Dernières nouvelles

Eddy Isango

Produit par Eddy Isango

sánzá ya zómi na mɔ̌kɔ́ 08, 2019
Ntaganda akosenga bazuzi ya CPI batala lisusu etumbu bakateli ye

Bosco Ntaganda akosenge bazuzi ya CPI (Cour pénale internationale) batala lisusu etumbu ya mibu tuku misato ya boloko bakatelaki ye o'moko ya minei na Haye (Pays-Bas), eyebisi basambeli baye.
sánzá ya zómi na mɔ̌kɔ́ 07, 2019
Tshisekedi na Ouganda o’mokolo mwa mposo

Président Félix Tshisekedi akozala na Ouganda o’mokolo mwa mposo mpo na mobembo wa ye ya yambo na ekolo eye wuto aponama mokonzi ya RDC na décembre 2018.
sánzá ya zómi na mɔ̌kɔ́ 07, 2019
Bosco Ntaganda azwi etumbu ya mibu 30 na boloko

Bosco Ntaganda, moko ya bakambi ya mangambo ya basimba minduki ya kala na bitumba ya etuka ya Ituri, azwui etumbu ya boloko ya mibu tuku misato na CPI (Cour pénale internationale). Mbala ya yambo bazuzi ya CPI bakateli moto etumbu ya monene boye.
sánzá ya zómi na mɔ̌kɔ́ 06, 2019
Fayulu asengi maponami masusu mpe coalition CACH/FCC kokamba mboka sanza 18

Martin Fayulu, moko ya lingomba Lamuka mpe mokambi ya Ecidé (Engagement pour la citoyenneté et le développement), asengi maponami masusu mpe bokelami ya misala mikotala mbongwana ya bokambi mboka.
sánzá ya zómi na mɔ̌kɔ́ 06, 2019
Basoda ya Monusco bakoki kobanda kolongwa na 2022

Basoda ya Monusco bakoki kobanda kolongolama malembe malembe na ekolo Congo démocratique soki bakonzi ya mboka eye balandi nzela epesameli bango, elobi rapport moko ya ONU epesami na Conseil ya Securité.
sánzá ya zómi na mɔ̌kɔ́ 06, 2019
Tshisekedi atie Léon de Saint Moulin na molongo ya ba héros nationaux Kabila-Lumumba

Nkondo Sango Léon de Saint Moulin atombolami o’molongo ya ordre national des héros nationaux Kabila-Lumumba to ya bilombe ya ekolo Kabila-Lumumba.
sánzá ya zómi na mɔ̌kɔ́ 05, 2019
Bato basato bakufi na masasi ya ba Nyatura na Kitchanga na Nord-Kivu

Bato basato bakufi na masasi ya ba Maï Maï Nyatura na Kitchanga na Nord-Kivu, eyebisi Police national congolaise (PNC)
sánzá ya zómi na mɔ̌kɔ́ 04, 2019
Matungulu akambi BAD na masolo na PM Ilunga mpo na kosunga mbulamatari

Freddy Matungu, mokambi ya sika ya BAD (Banque africaine de développement), alaki lisusu lisungi ya mosala na ye na mbulamatri ya RDC. Ezalaki nsima na masolo ya mikolo mibale na batambwisi ya ekolo eye.
sánzá ya zómi na mɔ̌kɔ́ 01, 2019
Bato 22 bakufi na likama ya motuka na na Manono

Bato tuku mibala na mibale bakufi mpe zomi bazoki makasi na likama ya motuka, na Manono, na etuka ya Tanganyika, eyebisi police nationale.
sánzá ya zómi 31, 2019
Jaynet Kabila akomba commission bobateli mpe bokengi na Ass. nat.

Jayent Kabila, lipasa ya Joseph Kabila mokonzi ya kala ya RDC, aponami mpo na kokamba commission ya bobatelami mpe bokengi ya ekolo na Assemblée nationale, eyebisi boko na ba députés.
sánzá ya zómi 31, 2019
Cardinal Fridolin Ambongo azongi Kinshasa

Cardinal Fridolin Ambongo azongi na ekolo Congo démocratique nsima na bokelami na ye na Papa wa Roma o’mokolo ta mitano ya sanza ya zomi ya mobu 2019 na Roma.
sánzá ya zómi 30, 2019
Mbeba ya makoki ya bomoto emati na 10% na septembre na RDC

Kotambola likolo ya makoki ya bomoto emati na koleka bilembo 10 to 10% na sanza ya libwa na ekolo Congo démocratique eyebisi Nations unies.
sánzá ya zómi 29, 2019
Shadary, Mende, Kalev, Amisi, Boshab na 10 basusu basengi UE elongola etumbu

Zomi na mitano na basungi ya Joseph Kabila, mokonzi ya kala ya RDC, basengi na Union européenne elongola etumbu ezwaki yambo na maponami mpo na bango.
sánzá ya zómi 29, 2019
Nini mpela ezali kosala na Kinshasa?

Nzela etondi mayi ti na loketo bisika mingi nsima na mpela. Kotambola ekomi mpasi na engumba mokonzi ya RDC. Roger Muntu azwaki litatoli ya mokumbi motuka Relass Nzolameso Ntelo na Kinshasa.
sánzá ya zómi 29, 2019
Boloko ya libela bosengami mpo na mokambiya ya Raïa Mutomboki Koko-di-Koko

Misala ya bosembo ya mampinga misengi boloko ya libela mpo na mokambi ya batomboki Raïa Mutomboki, Fréderic Masudi Alimasi oyo abengami na nkombo ya Koko-di-Koko mpo na kozwa basi mpe bilenge ebele na makasi na 2018 na monyele ya RDC.
sánzá ya zómi 28, 2019
Général Mokoko aboyi kobima boloko mpe kozala na matanga ya mama wa ye

Opposant général Jean-Marie Michel Mokoko aboyi kobima boloko mpe kozala na matanga ya mama wa ye ata Tribunal ya grande instance ya Brazzaville epesi ye ndingissa.
sánzá ya zómi 27, 2019
Trump asakoli liwa ya mokeli ya lingomba Etat islamique

Donald Trump, mokonzi ya Etats-Unis a asakoli o’mokolo ya eyenga ete mokeli ya lingomba Etat islamique (Isis / Daesh), Abou Bakr al-Baghdadi na misala mampinga ya Amerika masali na nord-ouest ya Syrie. Totala.
sánzá ya zómi 27, 2019
FARDC elobi mampinga ya bikolo nzinganzinga makoya te kobengana banguna mabele ya Congo

Molebeli ya FARDC (Forces armées de la RDC), général Léon Richard Kasonga, alobi ete mampinga ya bikolo misusu makokota te na mabele ya Congo démocratique mpo na kobengana banguna na misala ya bosangisi makasi mindamami na bakonzi ya bikolo ya sous-région.
sánzá ya zómi 26, 2019
The Bythiah Project azali kokebisi bato mpo etali drépanocytose (anémie SS)

ONG The Bythiah Project ezali kokebisa bilenge, na RDC, mpo etali maladie ya makila anémie SS to drépanocytose. Roger Muntu atunaki, na Kinshasa, mpo na VOA Lingala mokambi ya ONG, Amour Zalia.
sánzá ya zómi 26, 2019
Fayulu: "Kondima libonga ya molebeli ya opposition ezali kondima ete Tshisekedi alongaki"

Martin Fayulu, mokambi ya parti Ecide, candidat malheureux ya maponami ya décembre 2018, aboyi likambo ya molebeli ya opposition liye lizali koningisa lingomba Lamuka. Ezalaki na eyano na motuna moko na diner-conférence moko na bankambi moye ya Lamuka asali samedi na Paris, na France.

XS

SM

MD

LG