Président ya Ameriki, Donald Trump asakoli jeudi ete masuwa ya bitumba ya ekolo na ye, USS Boxer, mobebisaki drone (mpepo motambolaka na bozangi pilote) ya Iran eye epusaki mingi pene na yango.

"Tozali na bilembo, drone na bango epusanaki mingi pene na masuwa na biso. Soki ba drones epusani mingi, tokoboma yango," elobi moto na bakonzi ya Amerika oyo aboyi kopesa nkombo na ye na AFP.

Pentangone to ministère ya Défense ya Ameriki endimaki naino te kino vendredi na nsima na nzanga ete bilili biye bilakisa bobebisi ya drone eye bizali.

Molobeli ya mampinga ya Iran, général ya brigade Abdolfazi Shékarchi ayanoli ete ezali likambo ya bolema mpe lizangi loboko.

Botambali na bango bosalami nsima na liwa na bato mwambe baye bakatanaki mito na baye bakanisami ete bazali basimba minduki, elobi banzeneneke.

Bavandi ya Bunia balikangaki komema moto ya elenge mwasi moye na bureau ya bakonzi kasi police ebenganaki bango na kobetaka gaz lacrymogène na masasi likolo, eyebisi na AFP mopanzi ya kala Luc Malembe.

Police endimi na liyebisi ete bato mitano baye bamonisami lokola bango nde babomaki bato baye bakangami. Kati na bato baye, babale bazokaki, eyebisi police.

Milukiluki mizali kosalema mpo na kozuwa babomi banso, kolanda liyebisi ya police ya RDC.

“Nzoto esato emonanaki na ntongo ya mokolo ya minei, mito na yango mikama na makwangola,“ esakoli mokambi ya etando (territoire) ya Irumu.

"Babomi baye bawutaki na etando ya Djugu mpo na kotiya nsomo awa.. kasi mapinga mazali kolanda banguna baye,“ eyebisi molobeli ya mapinga ya FARDC na Ituri, lieutenant Jules Tshikudi.

Président Félix Tshisekedi akitaki na Ituri le 1er juillet mpo na koluka kimya. Apamelaki basimba minduki koluka kosala “génocide“ to koboma kabila nzike na esika eye.