Dernières nouvelles

Eddy Isango

Produit par Eddy Isango

sánzá ya zómi 07, 2019
Rwanda elobi ebomi 19 "terroristes" na ndelo na RDC

Misala ya bokengi ya Rwanda miyebisi ete mibomi ba dongolomiso (terroristes) 19 baye bafundamaki mpo koboma bato na butu ya vendredi na samedi pene pene na ndelo na ekolo Congo démocratique.
sánzá ya zómi 06, 2019
Bato bayebani te babomi bato mwambe mpe bazokisi 18 na Rwanda

Bato bayebani te babomi bato mwambe mpe bazokisi 18 basusu na butu ya mokolo ya minei na ya mposo na mboka Kinigi, na district na Musanze, na Rwanda, pene na ndelo na RDC.
sánzá ya zómi 06, 2019
Mgr Ambongo, cardinal ya minei ya RDC

Mgr Fridolin Ambango akomi cardinal ya RDC nsima bilulu ya bokelami bwa ye na Papa François elongo na b’episkopo zomi na mibale basusu o’mokolo ya mposo na Rona.
sánzá ya zómi 04, 2019
Mgr Ambongo akokelama cardinal o’mokolo ya mposo

Mgr Fridolin Ambongo akokelama to akotiama cardinal o’mokolo ya mposo, 5 octobre 2019, na Papa wa Roma.
sánzá ya zómi 04, 2019
Kamerhe alakisi litomba ya nkota ya ekolo na ntombwa ya mboka na these ya doctorat na ye

Esengeli kotangisa na lokota ya mboka uto libandela kino suka na kelasi, elobi na bolakisi ya these na ye ya doctorat Vital Kamerhe, mokambi ya misala ya president Felix Tshisekedi ya ekolo Congo democratique o'mokolo ya mitano na université ya Amerika na Athene, Grece.
sánzá ya zómi 03, 2019
Grands Lacs ezali na nzela ya kimya wuta maponami na RDC, elobi motindami ya ONU

Motindami ya sika ya ONU mpo na etando ya Grands lacs ya Afrika alobi etuka eye emikotisi mpenza na nzela ya kimya. Bikolo lokola Rwanda, Burundi, Ouganda, RDC bizali na etando eye.
sánzá ya zómi 03, 2019
PM Ilunga aboyi kozwa nyongo ya Banque centrale kasi akosalela bons du trésor

Premier ministre Sylvestre Ilung Ilunkamba aboyi kozwa nyongo ya Banque centrale kasi akosalela bons du trésor, kolanda bokutani na bakambi ya Banque centrale o'mokolo ya minei na Kinshasa.
sánzá ya zómi 03, 2019
Motango ya bawei momati na 21 nsima na bokweyi ya mabile na Maniema

Bato tuku mibale na moko nde motango ya bawei na bokweyisami ya mabele na maniema, elobi mokambi ya etuka eye na liyebisi, Augustin Musafiri.
sánzá ya zómi 02, 2019
Koleka bato 14 bakufi na bokweyisami ya mabela na mine na Maniema

Batimoli makele (mines) koleka zomi na minei bakufi na bokweyisami ya mabele na Kampene, na Maniema, eyebisi ministre ya boyokani mpe ya lisungi.
sánzá ya zómi 01, 2019
Antoinette Sassou N’Guesso alobeli bokutani ya ba mama na 74e Assemblée générale ya ONU

Antoinette Sassou N’Guesso, molongani ya mokonzi ya Congo Brazzaville atiami mokambi lingomba ya ba mama bakonzi ya Afrika, na bokutani ya pembeni ntango ya 74e Assemblée générale ya ONU na New York. Ayanoli na VOA lingala nini ba mama bakonzi ya Afrika bakosala mpo na kosunga bikolo mpe continent.
sánzá ya zómi 01, 2019
Banque mondiale elaki Tshisekedi kofungola ba bureaux na Goma na Kananga mpe kobakisa misolo

Mokambi ya Banque mondiale (BM) David Malpass alaki président Félix Tshisekedi kosunga ye na bokambi na ye. Ezalaki na bokutani na bango lundi na Washington.
sánzá ya libwa 30, 2019
Ilunga Ilunkamba atiki mokanda ya bozwi na ye na Cour constitutionnelle

Premier ministre ya ekolo Congo démocratique atiki mokanda molakisi bozwi bwa ye bonso, o’mokolo ya yambo, na Cour constitutionnelle na Kinshasa, eyebisi misala na ye.
sánzá ya libwa 30, 2019
Alanga nzembo Gims atondisaki stade ya France

Rappeur to alanga nzembo ya ekolo Congo démocratique, Gims, mwana ya moyembi Djuna Djanana, abetaki mindule o’mokolo ya mposo na stade ya France liboso ya bato koleka 80.000.
sánzá ya libwa 30, 2019
Sassou na Kamerhe na matanga ya Chirac na Paris

Mokonzi ya Congo-Brazzaville Denis Sassou N’Guesso azali na Paris mpo na matanga ya nkondo Jacques Chirac mokambi ya kala ya ekolo France. Vital Kamerhe, mokambi ya misala ya président Félix Tshisekedi azali kuna.
sánzá ya libwa 29, 2019
Bayike bapekisi misa mpo na koboya botelemisi mosala ya balakisi na Bukavu

Bato bayike batelemaki o’boso ya b'eklezia katoliko mpe bapekisa misa kosalama o'mokolo ya eyenga na Bukavu, na Sud-Kivu, mpo na koboya botelemisi mosala ya balakisi. Bato basali mobulu mwango bafundi ba sango kozala na nsima ya mokano ya balakisi ya kopemisa mosala.
sánzá ya libwa 29, 2019
Tshisekedi na ba Congolais ya Atlanta : "Congo ezali kozongela esika na yango na molongo"

Président Félix Tshisekedi ayebisi na bokutani na bana ya RD Congo o’mokolo ya mposo na Atlanta, na Etats-Unis (USA), ete mboka na bango ezali kozongela esika na yango na molongo.
sánzá ya libwa 28, 2019
Lamuka esengi bolukiluki mpo na 15 millions $, kaniaka mpe mbeba inso ya mikolo miye

Lingomba Lamuka esengi ete bakonzi ya misala ya bosembo babanda bolukiluki mpo etali misolo 15 millions ya ba dollars miye mizali komonana, kaniaka mpe mbeba inso salami mikolo miye.
sánzá ya libwa 27, 2019
Tshisekedi akutani na Jesse Jackson

Président Félix Tshisekedi ya RDC akutani na motambwisi mpate mpe moyi politiki ya Amerika Jesse Jackson na masolo ya pembeni ya 74e Assemblée générale ya Nations unies na New York.
sánzá ya libwa 27, 2019
Mampinga ya Amerika makosunga ba FARDC na bitumba na ba ADF

"Mampinga ya Amerika mabongisami mpo na kosalisa Congo démocratique na bitumba na ba ADF mpe basimba minduki misusu," elobi molebeli ya mibale ya ba FARDC, mampinga ya RDC.
sánzá ya libwa 27, 2019
Tshisekedi, Sassou na Kabila bapesi losako na Chirac

Félix Tshisekedi mokonzi ya Congo démocratique, Denis Sassou N’Guesso, mokokani wa ye ya Congo-Brazzaville mpe Joseph Kabila, mokonzi ya kala ya ekolo Congo démocratique bapesi losako na mokambi ya kala ya France, Jacques Chirac oyo awa o’mokolo ya minei na Paris, na mibu 86.

XS

SM

MD

LG