Liens d'accessibilité

Dernières nouvelles
RDC

Tshisekedi, Sassou na Kabila bapesi losako na Chirac


Président Jacques Chirac ya France (D) alandani na président Denis Sassou N'Guessou ya Congo-Brazzaville, elongo na Joseph Kabila mokonzi ya RDC na bakonzi basusu ya Afrika na na bokutani ya COMIFAC na Brazzaville, 4 février 2005.

Félix Tshisekedi mokonzi ya Congo démocratique, Denis Sassou N’Guesso, mokokani wa ye ya Congo-Brazzaville mpe Joseph Kabila, mokonzi ya kala ya ekolo Congo démocratique bapesi losako na mokambi ya kala ya France, Jacques Chirac oyo awa o’mokolo ya minei na Paris, na mibu 86.

"Président Chirac azalaki moninga ya RDC mpe ya Afrika. Na nkombo ya bana banso ya Congo mpe ya ngai moko, na kaboli mawa na libota na ye mpe na bana banso ya France," ekomi Félix Tshisekedi na compte Twitter ya présidence ya RDC, wuta New York epayi wapi azali na bokutani bonene ya mbala 74 ya Nations unies.

Denis Sassou N’Guesso alobi ayokaki mpasi mpo na sango yango. Akundoli ete Jacques azalaki moninga wa ye mpenza. Ayebisi ete abombi na motema ete Chirac azalaki na bomoko ya makasi mpenza.

Na ngambo na ye, Joseph Kabila, mokonzi ya kala ya RDC, apesi mpe lokumu na mokonzi ya kala ya ekolo France.

"Topesi losako na molimo ya mokonzi ya kala ya France, moko na bato ya liboso basosolaki emoniseli na biso mpe bapesaki biso motema," elobi Joseph Kabila na compte Twitter ya FCC (Front commun pour le COngo), lingomba lizali na nse na bokonzi na ye.

Jacques Chirac azalaki moninga ya bakonzi ebele na Afrika. Azalaki mpe moninga ya Mobutu Sese Seko, mokonzi mosusu ya kala ya Congo démocratique (Zaïre) mibe 32, elimboli na VOA Lingala mokambi ya misala ya Mobutu, Florentin Mokonda.

Kasi bayike bazalaki kotala M. Chirac lokola mobateli to mobombi ya ba dictateurs (bakonzi ya kanza) na Afrika.

Voir les commentaires

XS
SM
MD
LG