Liens d'accessibilité

Dernières nouvelles
RDC

Tshisekedi akutani na Jesse Jackson


Président Félix Tshisekedi ya RDC (D) akutani na motambwii mpate mpe moyi politiki ya Amerika Jesse Jakson na masolo ya pembeni ya 74e Assemblée générale ya Nations unies na New York. (Facebook/Présidence RDC)

Président Félix Tshisekedi ya RDC akutani na motambwisi mpate mpe moyi politiki ya Amerika Jesse Jackson na masolo ya pembeni ya 74e Assemblée générale ya Nations unies na New York.

Pasteur Jesse Jackson alaki kopesa maboko na bitumba ya mwana mboka Tshisekedi ya kotiya na esika mboka ya mibeko (Etat de droit) na Congo démocratique, eyebisi misala ya mokonzi ya RDC.

Pasteur Jackson apesi mpe losaka na mwana mboka Tshisekedi mpo na misala mokonzi ya sika ya RDC asali banda akota na bokonzi.

Pasteur alobelaki mingi mboka ya Afrika mpe bayindo na Etats-Unis.

M. Tshisekedi akutanaki mpe na ministre ya mambi ya bapaya ya ekolo Arabie Saoudite.

Ministre ya mambi ya bapaya ta Arabie Saoudite amemelaki M. Tshisekedi maloba ya mokonzi nkumu ya mboka na ye, Salmane ben Abdelaziz Al Saoud.

Maloba mango ma mokanda mwango masakolami te.

O'mokolo ya minei, M. Tshisekedi apesaki lisikulu lya ye lya yambo o'boso ya Assemblée générale ya Nations unies.

Voir les commentaires

XS
SM
MD
LG