Mabele makwei o’mokolo mwa misato 2/10/2019 na mboka Kamepne, pene na na km 180 ba nse ya Kindu. Motango kino sikoyo : 14 bawei, bato 3 na mpota ekasi bazwami na lopitalo. Bolukiluki bozali kokoba, ekomi ministre Steve Mbikayi na tweet moko.
Justin Kyanga Asumani ya société civile, alobi babimisi nzoto 15 na mabele, kati na bango basi babale.
Likama yango lisalamaki na ngonga ya mibale nsima na nzanga.
Bato ebele balukaka makele na mabele yango, kati na bango bana bake mpe basi ya zemi, kolanda maloba ya Kyanga.
Makama ya motindo moye masalaka mingi na RDC
