Liens d'accessibilité

Dernières nouvelles

CENCO, ECC, G13 na basusu bapameli Parlement na koboya ko "dépolitisier" CENI


Bato baike na etando ya Palais du peuple, ndako ya parlement, na Kinshasa, RDC, 2 mai 2016.

B’Episkopo ya katoliko na CENCO mpe Eklezia Mission to ECC bapameli Assemblée nationale na Sénat na kobwakisa makanisa makolongola loboko lya bayi bolitiki na misala mya maponami.

Sénat ya Ekolo Congo démocratique endimi yango mpe lokola mabongisi ya botamboli ya CENI, Mabongisi mango mandimamaki mikolo mileki na Assemblée nationale.

"ECC na CENCO bakamwe ndenge mabongisi maike masengelaki kolendisa bonsomi bwa CENI (Commission électorale nationale indépendante) mpe maye masengelaki kokengele ndenge misala nya CENI kolanda ndenge esengamaki na mabongisi ma mobeko mwa Lutundula, mabwakisami na makomi mandimamaki na Assemblée nationale," ekomi ECC na CENCO na liyebisi basali esika moko.

Baike ya opposition mpe bapameli bondimami ya mobeko moye lokola Martin Fayulu, moko na bakambi ba Lamuka alobaki yango,

CCT, Coalition ya ba Congolais mpo na transition mpe eboyaki maye Parlement esali.

Bayi G13, baye bazali kati na Union sacrée, na ngambo ya bokonzi ya président Tshisekedi, bango mpe bamaleli ndenge Assemblée nationale eboyi kongima bokengeli bozalaki na makanisi mapesamaki na Christophe Lutundula, oyo akoma ministre minstre ya mambi ya Bapaya.

Na eyano apesaki, mokeli mobeko André Mbata alobaki na nkombo ya Commission Politique administratif na justice alobi mabongisi mapesamaki na M. Lutundula mabongolamaki te na Assemblée national.

Mokambi ya Assemblée nationale, Christophe Mboso ye alobi bakeli mibeko bapesaki ata makanisi mango mpo na kobongola mabongisi mandimami te.

XS
SM
MD
LG