Liens d'accessibilité

Dernières nouvelles

CENCO esengi maponami na ntango na 2023 mpe mbongwana na baye bakotiama na mbulamatari


B'episkopo ya CENCO na centre interdiocésain na Kinshasa, 1er janvier 201.

B’episkopo ya CENCO basengi ete maponami mabongisama malamu mpe "masalama na 2023 kasi nsima te". Basengi, na mokanda comité permanant na bango ebimisi, mbongwana na mbulamatari ekokelama.

B’episkopo ya katoliko basengi na Parlement "kosala ete misala mya sanza ya misato mitala mingi nde mbongwana ya mambi ma maponami mpe ya misala mya CENI (Commission électorale nationale indépendante) na ntina ya kosala ete maponami masalama na ngonga, na 2023".

B’episkopo basengi mpe na mbulamatari kosalama manso mpo ete maponami masalama "malamu, na pole mpe na kimya mpe na ngonga".

Balobi ete "bana mboka bakotutisama motema soki bamoni na mbulamatari ekoya baye mpunza mboka, bamema bozangi bokenzi mpe basala mbeba ya bamoto".

"Bokoti na Union sacrée esengeli etindama te kaka mpo na koluka kozwa bibonga. Esengali nde koboya makambo ya mabe. Kaka babali mpe basi ya bizaleli malalu na boyebi mosala mpe makanisaka mpo na bolamu na bana mboka nde basengeli kopesama bibonga ya kokamba mboka," ekomi b'episkopo.

Bokengi, nkita, ndenge ya kobika na bato, kelasi ya ofele mpe makambo misusu mpe mazalaki na mokanda ya b'episkopo.

Bkamba ya eklezia katoliko ya RDC bandimi ete bakonzi bazali kosala makasi ata COVID-19 ezali "kasi bana mboka bazali komona ata moke te mbongwana yango na bomoi na bango ya mikolo minso".

XS
SM
MD
LG