Liens d'accessibilité

Dernières nouvelles

Fayulu na Muzito bakebisi ete Assemblée nationale elingi kolekisa "loi organique" ya CENI na nkuku


Martin Fayulu (G) na Adolph Muzito (D), Kinshasa, 27 août 2019. (Twitter/Michael Tshibangu)

Martin Fayulu na Adolphe Muzito, ngambo moko ya lingoma Lamuka, bakebisi ete Assemblée nationale ezali komilengele kolekisa na lombango mpe na kobombama "loi organique" mobeko moktambwi CENI ntango mboka ememami nanu na makomba matali likama lya volcan Nyiragongo.

Martin Fayulu na Adolphe Muzito bakundoli ete mobeko mwango mosengeli kosalama na boyokani ya ngambo inso ya bayi politiki. Bakebisi misala mikaboli CACH/FFC mpe mizali koluka kopanza Lamuka.

"Lamuka ebeti sete mpo na bolongolami ya loboko ya bayi politiki mpe bosaleli ya CENI mpe ebandeli koloba ete mbongwana ya mobeko mokotambwisa CENI esengeli mpenza esalama nsima na boyokani ya bayi politiki bazali na makambo maye," ekomi MM. Fayulu na Muzito na liyebisi.

"Bakambi ba Lamuka bakebisi bakambi ba Assemblée nationale mpe bakeli mibeko na koluka ko kobongisa moyibi mosusu ya maponami na kopesaka na makasi na bana mboka mobeko moko mosalami kaka mpo na mapasa babotami na libala FCC/CACH," ebakisi liyebisi na bango.

Baklambi babale baye ba Lamuka aalaki ete bakotelemisa bana mboka kolanda article 64 ya Constitution (Buku likonzi) soki bolamu na bango botiami o’boso te.

XS
SM
MD
LG