Liens d'accessibilité

Dernières nouvelles
RDC

38 ONG basengi Tshisekedi kosukisa misala mimemelaka ba millions na basimba minduki na parc ya Virunga


Nzoto ya ntoma Luca Attanasio ya ITalie ememami na motuku ya lopitalo ya MONUSCO nsima na kobetama masasi na bato bayebani te na Kibumba, na 25 kms ya Goma, Nord-Kivu, 22 février 2021.

38 ONG ya environnement mpe makoki ma bomoto basengi na présient Félix Tshisekedi mpe mbulamatari ya RDC kosukisa misala mya bokati nzete mpe koni, kosala makala mpe bokila basimba minduki basalaka na parc ya Virunga kati na bituka ya Kivu.

Mangomba mango makomeli président Tshisekedi, bakambi ya Nord-Kivu mpe mbulamatari ya Kinshasa mpo na kopamela bobuki nkoni, bosali makala mpe bokila basimba minduki bazali kosala na Parc national Virunga.

Mangomba mango malobi ete misala myango nde mizali kopesa misolo ba millions ya ba dollars na basimba minduki.

Bolobi mbisi ya mpamba emelaka basima minduki koleka 100.000 dollars sanza inso na nzela ya mpako bakongola, elobi ba ONG.

Koleka mituka minene tuku minei (40) miye mimemaka moko moko ba saki 150 ya makala mikota na engumba ya Goma mikolo minso, elakisi mokanda ba ONG batindeli président Tshisekedi.

Saki moko etekama 10$ mpe ekokisaka koleka motango ya 1,7 millions $ sanza inso, elobi ba ONG.

Misolo miye, bakisa na miye basimba minduki bazwaka na kokanga to komema bato na mayuya misusu basalaka, nde epesaka bango nzela kosomba minduki kopesa kaniaka na bakonzi, ebakisi mokanda mwango.

Ba ONGS ACEDH (Alerte Congolaise pour l’Environnement et les Droits de l’Homme), Association des Hommes Dynamiques Pour le Developpement (AHDD), Congo Basin Conservation Society (CBCS) mpe Planète verte RDC, bazali na kati.

Bakonzi ba ICCN (Institut national ya conservation ya nature) balobi makmbo mango mazali mpenza ya motuya.

Mangomba mingi ya basimba minduki, koleka 120 mazalaka na monyele ya RDC, elobi KST (Observatoire sécuritaire ya Kivu).

Voir les commentaires

XS
SM
MD
LG