Liens d'accessibilité

Dernières nouvelles

Trump apameli OMS mpo na kokamba malamu te bitumba na COVID-19


Président Donald Trump ya Etats-Unis na Maison Blanche, Washington DC, 6 avril 2020.

Président Trump apameli OMS (Organistaion mondiale ya Santé) mpo na lolenge ya mabe ya kokamba bitumba na COVID-19, mpe mpo na mabunga mamemi kofua mingi.

"OMS esali mabunga minga mingi. Kasi, ya kokamwa, USA nde epesaka yango misolo koleka nzokande yango ezali kotalela mingi Chine. Tokolandela yango makasi banda lelo," ekomi mokonzi ya Etats-Unis na Twitter.

"Malamu ndenge nabwakisaki malako ma yango ma yambo ya kotika ndelo na biso ya kofungwama na Chine. Mpo na nini bapesaki malako ma boye ?" emituni M. Trump.

OMS elobaki yambo ete bato basengeli balata masques te, kaka bakoni mpe baminganga, kasi balukiluki bamoni ete Etats-Unis ekomi na bakoni mingi mpo bato bazipaka zolo na monoko te na ba masques. Na Chine mpe Corée bato balataka masques mpe bayebi nakolonga COVID-19.

Yango etindi balukiluki kokanisa ete kolata masque te ezali mbeba baye ya Amerika basali.

Bato 391,632 bayebani kozwama na COVID-19 na Etats-Unis. 12.558 bakufi mpe 21.561 babikisami.

Etats-Unis nde ekolo ebetami makasi koleka na COVID-19 na molongo mobimba. Mpe mingi na baye bakufi mpe bazwi yango bazali bayindo.

XS
SM
MD
LG