Liens d'accessibilité

Dernières nouvelles

Sango moko ya Rwanda akoma moyi France akangami mpe akosambisa mpo na génocide ya 1994


Mémorial ya génocide ya Rwanda na Gatwaro, 16 avril 2021.

Sango moko ya Rwanda oyo akima mpe akoma moyi France atiami na bokangami mpe akosamba mpo na bobomi monene to génocide na Rwanda na 1994, elobi parquet antiterroriste.

Marcel Hitayezu, na mibu 65, apamelami na kopimela bilei mpe mayi na ba Tutsi babatamaki na ndako ya Nzambe mpe mpo apesaki bilei na basimbaki minduki ya ba interahamwe baye bayaki koboma bakimi bitumba bazalaki o’tempelo, elobi liyebisi lya parquet ya France.

M. Hitayezu afundami bongo mpo na genocide mpe boyokani na mbeba ya bomoto.

Sango yango awangani makambo maye liboso lya bazuzi.

Azalaki sango na paroisse ya Mbungu na sud ya Rwanda na 1994.

Kigali esengaki botindami bwa ye kuna na Rwanda na 2016.

Kolanda nkasa ya sango La Croix, akimaki na camp ya ba réfugiés na RDC kati na 1998 to 1999.

Sango mosusu mpe, Wencesalas Munyashyaka afundami mpe lokola na bobomi wana kasi bazuzi bamonaki likambo lya kokweyisa ye na likambo te na 2019.

Voir les commentaires

XS
SM
MD
LG