Liens d'accessibilité

Dernières nouvelles

Mboso apesi 72h ya suka na bakambi biyamba mpo koyokana na kopona mokambi ya CENI


Christophe Mboso Nkodia (D) atomboli maboko mpo na kopesa mbote na baninga baye bakeli mibeko na Assemblé nationale na Palais du peuple. Kinshasa, RDC, 3 février 2021.

Mboso Nkodia asengi mpe na bayi opposition kotika ba process-verbaux ya boboni ya bato ba bango banei bakozala na bureau.

Mokambi ya Assemblée nationale Chrsitophe N'kodia Mpwanga apesi ngonga tuku sambo na mibale mpo na mbala ya suka, ekobanda mokolo mwa mitano, na bakambi ba biyamba mpo na bayokana na likambo lya kopona mokambi ya CENI, misala mya kokamba mabonami.

Mboso Nkodia asengi mpe na bayi opposition kotika ba process-verbaux ya boboni ya bato ba bango banei bakozala na bureau.

ECC(Eklezia ba misioni) na bayi CENCO (b'episkopo ya katoliko) bazali kokoba koyokana te na bakambi ya biyamba basusu motoba baye basi bapona Denis Kadima.

Opposition mpe ezali kokoba kosenga bondimami ya bato banso na mabongisi ya maponami. Assemblée nationale ezali na likita mpo na kobakisa mikolo na état de siège mpo na mbala ya mwambe.

ECC na CENCO basengaki mokonzi ya mboka Félix Tshisekedi kokata likambo lya bozangi boyokani na biyamba misusu.

M. Tshisekedi ayanolaki na VOA, na mobembo mwa ye na New York ntango ya 73e UNGA (likita linene lya ONU), ete Assemblée nationale nde esengeli kokata likambo lyango.

Voir les commentaires

XS
SM
MD
LG