Liens d'accessibilité

Dernières nouvelles

Lamuka etie “marche” na yango le 16 octobre mpe meeting na Ste Thérèse le 9 octobre


Bakambi ba lingomba Lamuka, Adolphe Muzito (G) na Martin Fayulu (D) na kati ya balandi ba bango na police kopekisa bango kotambola na Knshasa, 30 juin 2019.

Botamboli ya Lamuka bosalami lisusu te mercredi le 29 septembre kasi bokomi le 16 octobre, elobi lisanga liye.

Bayi Lamuka bakomeli mikanda mibale na mokambi ya engumba Kinshasa Gentiny Ngobila mpo na yango.

Na mokanda moko, Lamuka eyebisi M. Ngobila ete ekotambola le 16 octobre mpe esengi bokengi ya police kolanda bokutani ya boko na bakambi ya Lamuka na mokonzi ya engumba Kinshasa o’mokolo mwa misato na Hôtel de ville ya Kinshasa.

Nsima na bokutani bwango, Lamuka esakolaki ete ekotambola lisusu te le 29 septembre mpo na bokengi lokola bakonzi ba Kinshasa basengaki.

Na mokanfa mosusu, Lamuka eyebisi M. Ngobila ete ekozala na meeting le 9 octobre na Ste Thérèse, na N’Djili.

Lamuka na mangomba masusu bazali kotelemela loboko ya bayi politiki na CENI, Misala mya mabongi ma maponami. Yango nde bazali kotambola.

Bayi Lamuka batambolaki na bituka nzike misusu na RDC mercredi.

Voir les commentaires

XS
SM
MD
LG