Liens d'accessibilité

Dernières nouvelles

Police epanzi bayi mouvements citoyens mpe Lamuka bazalaki kosenga bonsomi ya CENI


Bayi LUCHA na milulu mpo na kosenga maponami masengeli na Goma, Nord-Kivu, 20 décembre 2018.

Gaz lacrymogène mpe lokito lya police ebetamaki mpo na kopanza bayi mouvements citoyens mpe bayi lisanga Lamuka bazalaki kosenga bonsomi ya CENI liboso lya Assemblée nationale.

"Baike na bato bazalaki kati na milulu myango bakangamaki kasi batikami nsima na mwa ntango," elobi moko na bayi Lucha (Lutte pour le changement).

"Oyo tozali komona awa ezali Etat de droit te. Baninga ba biso bazoki mpe misusu baknagami ntango tozalaki na milulu mya kimya mpe tolingaki nde kokende kotika mokanda ya bosenga na biso na motambwisi ya Assemblée nationale," elobi moto mosusuu kati na baye bazalaki na milulu myango.

Baye bazalaki na milulu bazali kosenga ete Assemblée nationale etelemisa maye masimasalami kino sika mpo na mopanami na kozanga boyokani na bato banso.

Ndenge moko mpo na boponami ya mokambi ya CENi balakisi bilongi ba biyamba motoba basalaki na bozangi ya bayi catholique mpe protestant.

Bayi politiki baike lokola mpe lokola bayi société civile batelemeli mopeko ya kotambwisa CENI (Commission électorale nationale indépendante) eye Parlement elekisa mikolo miike.

Ata baike ya Union sacrée, liboke lya kokamba mboka nzina nzinga na président Félix Tshisekedi mpe basengi yango. Kati na bango Vital Kamerhe ya UNC (Union pour la nation congolaise) mpe Moïse Katumbi ya Ensemble pour la République.

Bayi FCC (Front pour le Congo) ya mokonzi ya kala Joseph Kabila mpe balobi ndenge moko wana.

Bango banso, lokola mpe bayi Lamuka baboyi kutu kotinda balakisi bilongi ba bango mpo na kozala na CENI.

Mangomba maike ya ba mouvements citoyens basanganaki mpo na yango.

XS
SM
MD
LG