Liens d'accessibilité

Dernières nouvelles

Lamuka endimi kotindika marche na yango nsima na meeting ya le 9 octobre na Ste Thérèse


Martin Fayulu elongo na Adolphe Muzito (az'o monana te) kati na balandi ba bango na botamboli na Kinshasa, 30 juin 2019.

Lisanga Lamuka likambami na Adolphe Muzito na Martin Fayulu lindimi kopusa marche na yango nsima na meeting na yango ya le 9 octobre na N'Djili, kolanda masolo bazalaki na yango na mokambi ya engumba Kinshasa, Gentiny Ngobila.

"Hôtel de ville elaki kosala bokengi na marche to na botamboli ya bayi Lamuka eye epusi botamboli bwa yango mokolo moko nsima na meeting na yango ya le 9 ocotbre na Ste Thérèse (N’Djili)," ekomi na Twitter Jean-Marc Kabunda, mokambi na maye matali sango ya Lamuka.

"Eloko tolingi ezali te bitumba kasi nde kosenga bolongoli ya bayi politiki na CENi," ebakisi M. Kabunda.

Mokolo ya marche yango eyebani nanu te, elimboli Blanchard Mongomba , kalaka mokonzi ya Novel élan, lingomba lya M. Muzito.

Kalaka mokozni ya Lamuka lokola mpe bayi mangoma masusu maye malingaki kotambola o’mokolo mwa misato le 29 septembre bazalaki na masolo na Hôtel de ville na Gentiny Ngobila, mokambi ya engumba Kinshasa.

M. Ngobila apekisaki samedi botambo mpe milulu minso na nzela wuto libanda lya mpepo kino pont Matete, na Kinshasa.

Kasi Lamuka mpe mangomba misusu lokola Nogec ya Constant Mutamba balobaki bakosala kaka marche na bango.

Sika mangomba maye bayokani bongo na M. Ngobila.

Le 15 septembre, police ebenganaki na makasi Martin Fyulu, Adolphe Muzito na balandi ba bango balingaki kotambola na quartier 1 na Masina.

Bato baike babetamaki mpe biloko bya bango bibotolamaki lokola mopanzi sango Patient Ligodi ya Actualité.cd.

Voir les commentaires

XS
SM
MD
LG