Liens d'accessibilité

Dernières nouvelles
RDC

Kabila asololi makambo ya coalition CACH-FCC na chargé d'affaires ya GB


Joseph Kabila (G), mokonzi ya lingomba FCC mpe mokonzi ya kala ya RDC na masolo na chargé d’affaires ya Grande-Bretagne Paul Arkwright, na Kinshasa, RDC, 14 février 2020. (Twitter/Ambassade Grande-Bretagne na RDC)

Joseph Kabila, mokonzi ya lingomba FCC (Front commun pour le Congo) mpe mokonzi ya kala ya RDC asololi na balakisi elongi ya Grande-Bretagne. mpo na boyokani ya bokambi mboka ya FCC na CACH, lingomba ya président Félix Tshisekedi.

M. Kabila oyo akoma président ya lingomba FCC mpe ya PPRD, parti politiki na ye, ayambaki limpinga ya Grande-Bretagne likambamaki na chargé d’affaires Paul Thomas Arkwright.

"Chargé d’affaires na biso Paul T. Arkwright na Joseph Kabila bakutanaki mposo eye mpo na mbala ya yambo. Babeti masolo ya coalition FCC/CACH, nkwokoso ya RDC mpe litomba ya komemela mbano elamu na bana ya Congo," ekomi na Twitter ambassade ya Grande-Bretagne (UK in DRC).

M. Arkwright akutanaki, yambo na yango (mercredi 12 février), na Martin Fayulu, candidat ya Lamuka na mponami ya mokonzi mboka ya le 30 décembre 2018.

Na M. Fayulu, M. Arkwright asololaki maye matali "mbongana esengeli komemela peuple congolais mpe mosala ya communauté internationale (bayi molongo) mpo na kosunga RDC", eyebisi ambassade ya Grande-Bretagne.

Na suka ya sanza ya janvier, M. Arkwirght asololaki na cardinal Ambongo. Masolo na bango mazalaki mpo kobongisa lolenge ya kobika ya bana ya Congo, ebakisi ambassade ya Grande-Bretagne.

XS
SM
MD
LG