Liens d'accessibilité

Dernières nouvelles

Gouverneur Cuomo ya New York atiki mosala na bofundami na kotungisa basi


Andrew Cuomo, mokambi ya état ya New York andimi kotika ebonga na ye nsima na kofundama na kotungisa basi, New York, 10 août 2021.

Gouverneur ya état ya New York Andrew Cuomo atiki mosala nsima na kofunda ntango molayi na kotungisa basi mingi. Koleka basi zomi na moko bafundaki ye na kotungisa bango ata assistane na ye kutu afundaki mpe mposo moleki.

Na mibu 63, Andrew Cuomo ayebana mingi na bitumba na COVID-19. Président Joe Biden mpe bakonzi misusu bazalaki kosenga alongwa.

"Kolanda ndenge makambo mazali kokende, lolenge malamu ya kosunga bino lozali nde natika mosala," elobi M. Cuomo.

Wuto sanza ya misato azalaki ktelemela mbela ya bato mingi lokola ya président Joe Biden mpo atika mosala.

Mposo moleki, procureure ya état ya New York, Letitia James, asakolaki ete enketi etalisi ete basi koleka zomi na moko bafundaki M. Cuomo na koluka bango na makabo to kotungisa bango.

Mosungi to assitante na ye afundaki ye mposo moleki na kotungisa ye mpe lokola.

M. Cuomo azalaki mpe na makanisi ya kowelela ebonga ya mokonzi ya mboka na maponami ma koya bo' démocrate.

XS
SM
MD
LG