Liens d'accessibilité

Dernières nouvelles

Bato bafundami kozala babomi ya président ya Haïti bakangami


Ba policiers ba telemi pene na photo ya président Jovenel Moise ya Haïti oyo akufi na masasi na Port-au-Prince, Haiti, le 7 juillet 2021.

Boko na bato bafundami na kozala na commando ebomaki président Haïtien Jovenel Moïse bakangami na bayi police, elobi secretaire d’Etat ya mambi ma sango ya Haïti.

Secrétaire d’Etat Frantz Exantus alaki na etando eke ete sango na bolayi etali bato baye nde epesami nsima.

Molongani ya président Jovenel Moïse, Martine Jovenel amemamaki na Miami na Etats-Unis nsima na nzanga mpo na kopesama lisungi na mpota ekasi ezwaki na kozoka na masasi elongo na mobali na ye.

Président Joe Biden ya Etats-Unis apameli bobomi boye mpe mbulamatari ya Etats-Unis esengi ete maponami masalama na lombango.

Ntoma ya Etats-Unis na Haïti, Bocchit Edmond alobi ete babomi bango bazalaki ba professionnels mpe balengelaki makambo na bango malamu.

Babomi bango bamilakisaki lokola basali ya Adence anti-drogue ya Etats-Unis (DEA) kasi ezaleli na bango ekokanaki te na mosala na bango, elobaki ntomba Bocchit kolanda vidéu atalaki.

Ministre wa Yambo ya Haïti alobi bazalaki bapaya mpo bazalaki koloba anglias mpe espagnol.

Lundi, président Moïse atiaki Ministre wa Yambo ya sika mpo na kobongisa maponami maye mapusanaki nsima mpo na COVID-19.

XS
SM
MD
LG