Liens d'accessibilité

Dernières nouvelles
RDC

CPI ekokata likambo ya kaniaka ya Bemba na baninga baye le 27 novembre


Jean-Pierre Bemba (C) mokambi ya MLC, na Kinshasa, le 2 août 2018.

CPI (Cour pénale interantionale) ekokata le 27 novembre 2019 likambo ya kozimbisa ba nzeneneke (subornation des témoins) liye Jean-Pierre Bemba na baninga baye bafundamaki ntango ya bosimbisami mpo na mbeba ya bitumba mpe ya bomoto eye atikamaki na juin 2018.

CPI eyebisi ete mokolo yango (27 novembre), ekopesa ekateli ya sika mpo na M. Bemba na baninga baye, Aimé Kilolo Musamba mpe Jean-Jacques Mangenda Kabongo. Bosambisami bwango bokozala na miso ya bato banso.

M. Bemba na baninga baye bakisamaki o'likambo mpo na mbeba eye (ya kozimbisa ba nzeneneke) le 19 octobre 2016. CPI elobaki ete "bamemaki kotiya libaku na misala ya bosembo mpe basengaki banzeneneke koloba maloba ma lokuta".

Le 22 mars 2017, Chambre ya première instance VII ekatelaki bango bitumbu.

Le 8 mars 2018, Chambre d’Appel elongolaki etumbu eye epesamelaki MM. Bemba na baninga baye. Etindaki likambo yango na Chambre ya première instance VII.

M. Bemba atikamaki nsima ya pene na mibu 10 alekisa na boloko mpo mbeba ya bitumba mpe ya bomoto basoda baye bafundamaki kosala na Centrafrique kati na 2002 mpe 2003.

Le 17 septembre, Chambre ya première instance VII epesaki mokano mwa yango likolo ya etumbu ya sika.

Le 18 octobre, basembeli ya M. Bemba basengaki bozongeli kosamba et bozongeli esengamaki le 17 décembre 2018. Chambre d’appel ekutani le 4 septembre 2019 na ntina ya koyoka mayele ya ngambo inso.

Bozongeli kosamba nde bokosalama o’mokolo ya le 27 septembre 2019.

Voir les commentaires

XS
SM
MD
LG