Liens d'accessibilité

Dernières nouvelles

Basimba minduki bazwi engumba Bambari na Centrafrique


Soda moko ya mampinga ya Centrafrique azali kobatela mairie ya Bambari, Centrafrique, le 16 novembre 2020.

Basimba minduki bazwi engumba ya Bambari, na 380 kms ya Bangui, na Centrafrique, elobi mokambi na yango na bayi ONU. Nzonka nde, Russie na Rwanda (RDF) batindi mampinga na bango na Bangui.

"Engumba ekweyi na maboko ma basimba minduki. Bitumba bizalaki te na bavandi ya esika eye," elobi Abel Matchipata, mokambi ya Bambari.

Moko na bayi mbulamatari ya Centrafrique ayebisi AFP ete basimba minduki bazali sika na engumba.

Kolanda AFP, ONU elobi ete basimba mitunduki babetanaki masasi na ba soda ba MINUSCA, Misala mya ONU na Centrafrique.

Ba ONG mpe elobi se likambo moko wana.

Lelo, 300 batangisi ba soda ba ekolo Russie bakomaki na Bangui mpo na matata maye mazali na mboka. Russie epesaka maboko na mampinga ya Centrafrique.

Rwanda mpe etindi basoda ba yango RDF (Rwanda Defense Forces), na bosengi ya mbulamatari.

Mbulamatari ekambami na président Faustin-Archange Toudera oyo azali kowela maponami ma mboka makoya, efundi mokonzi ya kala François Bozize na koluka kokweyisa bokonzi.

Misala mya maponami mpe bazuzi babwakisi nkombo ya M. Bozize na maponami ma ye.

Lingomba lya M. Bozize ewangani ete alingi asala coup d’Etat lokola mbulamatari elobi.

Kasi basimba minduki bazali kopusana Nzinga Nzinga na Bangui wuto nkombo ya M. Bozize ebwakisami.

Voir les commentaires

XS
SM
MD
LG