Liens d'accessibilité

Dernières nouvelles

Ba forces spéciales ya Uganda mpe RDC bakokoba kolanda ba ADF na kati ya mboka (Muyaya)


Président Yoweri Museveni pene na basoda ba Uganda, na Gulu, Uganda, 6 février 2005

Mbulamatari mpe mampinga ma Ekolo Congo démocratique (RDC) lokola mpe maye ma Uganda, basakoli ete misala mampinga ma bikolo mibale mazali kosala na Beni mikokoba na bozindo kati mboka.

"Na kolanda misala mya siki siki ya ntongo eye na mampinga ma Uganda, toyokani nsima na kotala, bokobi bwa misala na bozindo, na ba forces spéciales ya bikolo mibale na ntina ya kosokola bisika ya ba dongolomeso biye bitutami," ekomi na Twitter molobeli ya mbulamatari ya Patrick Muyaya.

Ba FARDC, mampinga ma RDC malobi na liyebisi ete "ba forces spéciales ya Congo na lisungi lya ba unités spéciales ya Ugamda, bakokoba misala mya koluka (bisika binso) mpo na kosukola mpe kozongisa bokengi na bisika ya ba ADF bisimbami na ba frappes ya ntongo".

Ba FARDC balaki kopesa motango ya misala myango nsima.

Mampinga ma Uganda mpe malobi ndenge moko na liyebisi ya ministère ya Bobateli ya Uganda.

"Bisika tolandeli bibetami malamu mpe bitumba na badongolomeso bikokoba lolokola totali ndenge makambu mazali kokende na mabele," elakisi liyebisi lya ministère ya Bobateli ekolo ya Uganda.

Mampinga ma Uganda babetaki mardi ba bombes wuto Unganda na bisika ba ADF bazalaka na RDC.

Bavandi ya bisika mingi lokola Watanlinga batatoli ete bamonaki mpe basoda ya Uganda kokota na minduki na bango na Nobili, mboka na ndelo na Uganda.

XS
SM
MD
LG