Liens d'accessibilité

Dernières nouvelles

Kagame, Tshisekedi na Lourenço basengi Museveni ko vérifier mafundami ya Rwanda


(D ti G) Président Yoweri Museveni ya Ouganda, Paul Kagame ya Rwanda, Joao Lourenco ya Nagola na Félix Tshisekedi ya RDC na Ktauna/Gatuna na ndelo kati na Rwanda na Ouganda, le 21 février 2020. (Twitter/Yuweri Museveni)

Président Paul Kagame ya Rwanda na bakokani na ye Félix Tshisekedi ya RDC na Joao Lourenço ya Angola basengi na Yuweri Museveni ya Ouganda ko vérifier mafundami ya Rwanda yambo na bofungolami ya ndelo kati na Kigali na Kampala.

Bakombanzi banei baye bakuni na Gatuna/Katuna, na ndelo ya Rwanda na Ouganda.

"Bakonzi banei baye basengi na Ouganda kotala mpe koluka malamu mafundami ya Rwanda likolo ya misala ya banguna ya mbulamatari ya Kigali na mabela ya Uganda," elobi liyebisi ya bokutani.

"Soki ezali solo, mbulamatari ya Ouganda esengami na kozwa mikano ya kosukisa yango," ebakisi liyebisi.

Nsima na yango, MM. Tshisekedi na Lourenço, babondi bakoyokani, bakozala na mikolo zomi na mitano mpo na kobengisa Sommet quadripartite na Gatuna/Katuna mpo milulu ya kofungola ndelo mpe kozongisa bondeko malamu, elobi liyebisi.

Yango esengeli kolandelama na commission ministérielle ad-hoc mpo na kotiyama na mosala ya mémorandum ya boyokani ya Luanda.

Bakonzi banei basepeli na bokangolami ya bato bango baboloko mpe lisusu mpo maye matiama manzaka makozala esika ya kosambisa matata manso ata maye ya kobundisa mboka moko to mosusu kati na Rwanda na Ouganda.

XS
SM
MD
LG