Liens d'accessibilité

Dernières nouvelles
RDC

Tshisekedi akiti bisika na ba chantiers na Kinshasa


Président Félix Tshisekedi (C) na campus ya Université ya Kinshasa, 13 février 2020. (Facebook/Présidence RDC)

Président Félix Tshisekedi akitaki ye moko kotala misala ya botongi mizali kosalama na engumba Kinshasa mpo na mobu moko ya bokonzi na ye.

Mokonzi ekolo Congo démocratique alekaki na campus ya Université ya Kinshasa (Unikin) esika wapi ba homes ezali kobongisama nsima na mobulu motindaki kobimisa ba yekoli na esika eye sanza moko eleki.

M. Tshisekedi atalaki mpe misala ya botongi nzela ya kokende Unikin, na Livulu mpe gbagba eye ebangami na Sauts-de-moutons na bisika biike na Kinshasa.

Nzokande Procureur général ya Cour d’Appel ya Matete afungolaki dossier judiciaire mpo na kolandela misala minso misengelaki mizala ya kosila nsima ya mobu moko ya bokonzi ya Felix Tshisekedi.

O’mokolo ya mitano mileki, mbulamatari esakolaki ete ebakisi misolo mpo misala myango misila na lombongo.

XS
SM
MD
LG