Liens d'accessibilité

Dernières nouvelles
RDC

Mikolo motoba banda Luc Malembe ya Lamuka akangamaki na Bunia


Martin Fayulu elongo na mokambi ya ntango oyo ya Lamuka, Adolphe Muzito, na bayike lingomba liye na bokomi na esika ya lisikulu na Beni, Nord-Kivu, 24 décembre 2019. (VOA/Erikas Mwisi)

Luc Malembe, moko na bayi opposition eye ezali nsima na Martin Fayulu, akangami wuto koleka mposo moko na Bunia, na Ituri, epayi wapi afundami na kofinga mokonzi ya mboka.

"Luc Malembe, molebeli ya coalition Lamuka na etuka ya Ituri aza na bokangemi wuto mercredi 29 janvier," eyebisi avocat na ye Rodrigue Ubuya.

"Afundami na kofinga mokonzi ya ekolo nsima na koloba na bapanzi sango le 24 janvier ete mboka elekisi mobu moko ya pamba ntango bavandi bazalaki kozela mbongwana ya solo," elimboli na AFP Me Ubuya.

Parquet ya Bunia endimi bokangami bwango.

Le 24 janvier ezalaki mokolo ya mobu moko ya bokoti na bokonzi ya Félix Tshisekedi na bopesani na kimya ya kiti ya bokonzi, mpo na mbala ya yambo, kolandana na maponami na RDC.

Martin Fayulu, candidat ya Lamuka, akoba koloba ete ye nde alongaki maponami ya mokonzi ya mboka ya le 30 décembre 2018, ata CENI mpe Cour constitutionnelle basakolaki M. Tshisekedi nde molondi.

XS
SM
MD
LG