Liens d'accessibilité

Dernières nouvelles
RDC

Mokambi moko ya pygmée ya batomboki akatelami mibu 15 ya misala makasi


Ba rangers moko na parc ya Kahuzi-Biega na Sud-Kivu, 30 septembre 2019.

Mokambi moko ya pygmée ya batomboki akatelami mibu 15 ya boloko mpo na kobebisa na nko parc ya Kahuzi-Biega na nsima bosambisami ya lombango na etuka ya Sud-Kivu.

"Chef pygmée Jean-Marie Kasula elongo na bato mitano misusu bakatelami mibu 15 ya misala makasi mpo na kozwama na minduki ya bitumba mpe masasi, bosangasami ya bato ya mabe mpe kobebisa na nko parc ya Kahuzi-Biega," esakoli juge Toussaint Lenda.

Tribunal militaire ya Bukavu esambisaki likambo yango na Miti, na 7 km ya parc ya Kahuzi-Biega, na Sud-Kivu. Bato mwambe basambaki mpo na likambo yango.

Bato baye bakatelami mpe lisusu amende ya 5.000 dollars na ICCN (Institut congolais pour la conservation de la nature) mpo na kobebisa na nko zamba mpe baniama, elobi juge Lenda nsima na ya ngonga motoba ya bosambisami.

Basi babale bazali kati bato bazwi etumbu. Etumbu na bango ezali ya mobu moko ya misala ya makasi mpe 200.000 francs congolais ya amende.

Ba avocats na bango balobi basepeli na ekateli ya bazuzi.

XS
SM
MD
LG