Liens d'accessibilité

Dernières nouvelles

Sénatrice Goya aboyi kolongola plainte contre Thambwe Mwamba


Alexis Thambwe Mwamba. motambwisi ya Sénat na Kinshasa, le 1er janvier 2017

Sénatrice Bijoux Goya Kitenge azalki vendredi na Cour ya cassation mpo kosenga ete bofundami asali mpo na Alexis Thambwe Mwamba, mokambi ya Sénat, bokoba ata milulu mya boyokani bosalamaki moko moleki kati na bango na Sénat.

Yango ezali nsima na matata masalamaki plenière mposo moleki.

"Mme Goya atelemaki libosobo ya bazuzi ya parquet ya Cour ya cassation,: ekomi na Twitter mokambi ya ACAJ (Association congolaise pour l’accès à la jusitce), Me Georges Kapiamba.

Nzokande mokolo moko moleki (jeudi) Thambwe Mwamba na Goya Kitenge basengaki bolimbisi na likita lya Sénat.

M. Thambwe apesaki Mme Goya fololo mpo na yango.

"Sénatrice Bijoux Goya Kitenge andimi ete bofundi bwa ye bokoba mpo ndenge bakoselaki ye makango mpe bafingaki ye liboso na bato na Alexis Thambwe Mwamba, président ya Sénat," eyebisi Me Kapiamba.

Mposo moleki, M. Thambwe apamelaki Mme Goya, na bokutani ya Sénat, nsima sénatrice oyo kosenga, na mokanda akomaki, ete mokambi ya suku eye ya parlement alakisa lolenge nini misala mya kobongisa hémicycle to ndako ya makati ya Sénat esalamaki mpe ndenge nini misolo misalelamaki.

M. Thambwe abimisaki na miso ya bato nionso ndenge Mme Goya azalaki kobendela mpo asunga ye koleka na "questure" (ebonga etalaka misolo na suku moko parlement). M. Thambwe alobaki Mme Goya akendaki na ndako na ye mpe na bureau mpe lisusu abondelaki ye kokende kokende kokabola champagne epayi na ye (Mme Goya).

"Olobaki na nga soki ozwi questure, tokosala fric (misosolo). Na zongiselaki yo ete nayaki koluka mbongo te kasi kotika nkombo na nga na lisolo ya Sénat… Nalingaki na salisa yo kasi, na FCC balobaki ozali na makoki te mpe mwasi ya bizaleli ya bamba bamba," elobaki M. Thambwe.

Kasi Mme Goya asilikaki mpe akatelaki ye maloba. Alakaki kofunda ye mpo na bazuzi.

Likambo lyango limekaki nungu ngungu kati FCC (Front commun pour le Congo) lingomba na bango ya politiki likamba na Joseph Kabila. Bayi bapesi maboko na Mme Goya, basusu na M. Thambwe.

M. Thambwe abimisaki mikanda ya kolakisa ndenge misolo mpe misala mya kobongisa hémiecycle misalamaki.

Mme Goya azongisaki koloba ete azwi eyano ya malonga te mpe asengaki bolukiluki kais bureau ya Sénat eboyi kondima bosenga bwa ye.

XS
SM
MD
LG