Liens d'accessibilité

Dernières nouvelles

Assemblée nationale endimi kobakisi mikolo na état d’urgence sanitaire


Bakeli mibeko na Assemblée nationale, na Palais du peuple, Kinshasa, RDC, 15 décembre 2012.

Assemblée nationale endimi na bokunai bwa yango ya jeudi 23 avril, kobakisa mpo na mikolo zomi na mitano.

Bakeli mibeko 67 nde bazalaki na bokutani bwango.

64 bandimi kobakisa mikolo, moko aboyi mpe mibale batikali na na kati kati.

Sénat, suku ya likolo ya parlement, esengeli mpe etala misala miye miwuti na Assemblée nationale.

Nsima na yango, président Félix Tshisekedi nde akosakola bokisami ya mikolo ya état d’urgence sanitaire.

Nungu nungu ezalaki kati na baye ya CACH, lingomba ya président Tshisekedi, mpe ya FCC ya mokonzi ya kala Joseph Kabila nsima na bosakolami ya Etat d’urgence sanitaire kasi Cour constitutionnelle ekati likambo na koloba ete etosaki Buku likonzi.

Parlement ezali kosanga nsima na ndingisa mokonzi ya mboka Félix Tshisekedi apesaki na meko ya état d’urgence sanitaire eye epekisi bato koleka tuku mibale kozala nae sika moko.

Na ndingisa na ye, président Tshisekedi andingi te suku mibale ya parlement esengana na Congrès. Bayi CACH mpe UDPS bazalaki kofunda bayi FCC koluka kokweyisa mokonzi ya mboka na bokutani ya Congrès.

Mikolo mibale mileki Président Felix Tshisekedi akutanaki na mokonzi ya kala Joseph Kabila mpe bandima kopesa maboko na bitumba na coronavirus ya sika Covid19.

Jeanine Mabunda asengi na bana mboka koboya komona makanisi mabe mpe motema mabe na makambo manso bato bazali kosala.

XS
SM
MD
LG