Liens d'accessibilité

Dernières nouvelles

Parlement esiliki mpo police ezo pasola mikanda na yango na Congo-Brazzaville


Baponami na parlement na Congo-Brazzaville, le 13 septembre 2017. (VOA/Ngouela Ngoussou)

Ba parlementaires ya Congo-Brazzaville basilikeli mbulamatari mpo police mpe misla ya bokengi mizali kopasola mikanda ya bango ya ndingisa ya kotambola ntango eye ya état d’urgence mpe ya confinement.

:Ndenge nini misala ya bokengi ya mboka mizali kopasola mokanda président ya parlement nationale to ya Sénat batiyaki manzaka mpo ba parlementaires na basungi ba bango batambola na ngonga eye?," etunaki na nkanda Pierre Ngolo, mokambi ya Sénat na misala mya Sénat lundi.

Mokambi ya Sénat akundolaki ete parlement na mbulamatari bayokani na kolanda makanisi mawutaki na mbulamatari mpo na kopesa ndingisa na bato bayike kotambola ata état d’urgence mpe mokano mwa bokangami na ndako mozwamaki na mokonzi ya mboka Denis Sassou N’Guesso.

"Mbulamatari ezwi mokano ebongola mokano yango mpe parlement eyoki likombo yango na nzela ya presse na liyebisi liyo ememi mbeba makasi. Ministre moko te akendaki na commissariat mpo koluka kobimisa directeur na ye ya cabinet kasi makombo ya boye masalami mpo na parlement. Ministre moko ekomeli ete ba agents ya force publique bapasola mokanda na ye kasi basalaki yango mpo na président ya Assemblée nationale mpe Sénat. Ezali makambo mike te," elobaki M. Ngolo.

Président ya Sénat abeti sete ete esengeli kopamela makambo yango masalami mpo na bozangi kosolola…

"Nini elingaki esalama soki mbulamatari eyebisa biso ete esengelaki to bongola mokano yango. Bitumba bilingaki kozala te,"amituni.

Ba infirmiers, ba journalsites, basungi ya ba ministres mpe ya baparlementaires bazwaki mokanda mopesaki bango ndingisa ya kotambola kasi police ezali koboya yango.

Bato 220 bazwami na COVID-19 na Congo-Brazzaville, 9 bakufi mpe 19 babikisami.

XS
SM
MD
LG