Liens d'accessibilité

Dernières nouvelles

Président ya kala ya Congo Yhombi Opango akufi na COVID-19 na France


Mokonzi ya kala ya ekolo Congo-Brazzaville, Jacques Joaquim Yhombi Opango, Septembre 2019. (Twitter/Opango Yhombi)

Mokonzi ya kala ya ekolo Congo-Brazzaville, Jacques Joaquim Yhombi Opango awei na bokono bwa coronavirus ya sika na France, na mibu 81, esakoli libota na ye. Avandaki na bokonzi wuto 1977 kino 1979.

"Tata wa nga, mokonzi ya kala Yhombi Opango akufi o’mokolo mwa yambo na nsima na nzanga na lopitalo américain ya Neuilly-sur-Seine pene na Paris. Azwaki likama ya coronavirus," eyebisi na téléphone (tshombo) mwana wa ye Jean-Jacques Yhombi Opango, elobi AFP.

Sango yango epesamaki mpe na Télé-Congo.

Mokonzi ya Congo-Brazzaville azalaki nzoto malamu te wuto mwa mikolo. Yango ememaki ye kovanda na France, mosika na Congo, elimboli libota wa ye.

Abotamaki na Cuvette na 1939.

Azalaki officier ya mampinga, atiamaki na bokonzi na mboka Congo-Brazzaville nsima na bobomami ya président Marien Ngouabi oyo akambaka ekolo wuto 1968 kino 1977 ntango wana mboka eye ezalaki na nzela ya Union soviétique.

M. Yhombi Opango avandaki na bokonzi mibu mibale kasi akweyisamaki na président Denis asssou N’Guesso oyo azali moto ya etuka moko na ye mpe avandi na bokonzi mibue 35 nsima kolongwa mwa mwa moke.

Akelaki lingomba ya poliitiki RDD (Rassemblement pour la démocratie et le développement.

M. Yhombi Opango alongaki te maponami ya mokonzi ya boka ya 1992 mpe asanganaki na Pascal Lissouba oyo aponamaki mokonzi ya mboka mpe akomaki ministre ya yambo na ye (1994-1996).

Ntango bitumba bipesaki nzela na bozongi ya président Sassou engalaki na 1997, akimaki na Francekasi azongaki mboka.

Wuto ntango yango alekisaka bomoi na ye kati na France na Congo.

XS
SM
MD
LG