Liens d'accessibilité

Dernières nouvelles

40 Congolais ya yambo ya baye bakangamaki libanda bazongisami


Basali ya bokengi mpe bopeto na ndelo ya mboka bazali kokengela basali mibembo na bokiti bwa bango na mpepo na aéroport international ya N'Djili, Kinshasa, 9 octobre 2015.

Ba Congolais tuku minei ya baye bakangamaki libanda na mboka mpo na mikano ya kobundisa COVID19 basi bazongi mboka, elobi ministre ya mambi ya Bapaya, Marie Ntumba Nzeza.

Ba ministres baiike basololaki likambo lyango mercredi na ministre ya yambo Sylvestre Ilunga Ilunkamba.

Mpo na ministre Ntumba Nzeza, ezali baye bakangamaki mpo bakendaki mobembo ya mission de service, ya tourisme, ya commerce to mpe kotambola kaka.

"Bato baye bazalaki na Congo-Brazzaville, na Belgique, na Suisse, na Yaoundé na Cameroun, basi bazongi. Etikali sik’oyo ba oyo baza na Dubaï (Emirats Arabes unis), na Afrique du Sud, na Ankara (Turquie), na ba mboka misusu ya mwa mike," elobi Mme Ntumba Nzeza.

Bato bazongi bazali tuku minei mpe batiami na bokangami (quarantaine) mpo kopekisa COVID19.

Mbulamatari eyebisi ete ezali kokoba kosala makasi mpo bato batikali bazonga.

Kasi motango ya baye batikali na bikolo misusu bakoki kozala pene na nkoto mibale (2.000).

Mbulamatari esengi bana banso ya RDC bakangami bakende na ba ambassades kopesa ba nkombo na bango,

Mikolo mileki ba Congolais bakangamaki babwakaki mbela mpo na koloba ete basundolami. Bongo esili bango.

RDC lokolola bikolo binso ya mokili, ekangaki ndelo na yango na ntina ya kopekisa bopanzani bwa COVID19.

XS
SM
MD
LG