Liens d'accessibilité

Dernières nouvelles

Ngobila andimi meeting ya Lamuka le 9 octobre na Ste Thérèse N'Djili


Bakambi ba lingomba Lamuka, Adolphe Muzito (G) na Martin Fayulu (D) na kati ya balandi ba bango na police kopekisa bango kotambola na Knshasa, 30 juin 2019.

Mokambi ya etuka ya Kinshasa, Gentiny Ngobila andimi ete Lamuka esala meeting na yango le 9 octobre na N’Djili Sainte Thérèse mpo na kolebela botelemi ya mabongisi ya maponami.

Lamuka, ekambami na Adoplhe Muzito na Martin Fayulu ezali koluka kosala milulu wuto pene na sanza moko mpo na koboya politiki likolo lya CENI, misala mya maponami.

Police epanzaki balandi ba Lamuka le 15 septembre, enyokolaki mpe ebetaki bato baike lokola Martin Fayulu ye moko na bapanzi sango lokola Patient Ligodi.

M. Ngombila apekisaki lisusu mikolo mileki botamboli mpe milulu minso wuto libanda lya mpepo kino Pont ya Matete.

Kasi andimi basala meetingi na N’Dijili le 9 octobre. Lamuka lokola bayi opposition baboyi kotinda bato ba bango na CENI mpo na kosenga boyokani na mabongisi ma maponami.

Voir les commentaires

XS
SM
MD
LG