Liens d'accessibilité

Dernières nouvelles

Mokambi ya CENI azelami na suka ya likita lya bakambi babiyamba


Abbé Donatien Nshole, kalaka mokonzi ya CENCO mpe molobeli ya bakambi ba biyamba, na Kinshasa, 21 décembre 2016.

Bakambi ya biyamba bazali sika na ngala ya mibale to deuxième tour na misala ya kopona mokambi ya CENI to mabongisi mya maponami na RDC na Centre interdiocésain na Kinshasa. Baye batikali na boweleli ebonga ya mokambi ya CENI nsima na ngala yambo bazali koyanola na mituna ya bakambi biyamba.

Kati na bango, Mwana mboka Roger Biwala oyo andimami na Armée du Salut, Cyril Ebotoko oyo asimbami na CENCO mpe Denis Kadima oyo eyamba ya Kintwandi epesi maboko basi bayonoli.

Daniel Kwata oyo ECC (Eglise du Christ au Congo/Protestante) ezali mpe nsima na ye apesi mpe ya ye biyano.

Nsima na bango nde Bernard Lututala oyo azali mpe na bopesi maboko ya ECC ye mpe ayanoli lokola mpe Madjaliwa Shabani oyo ba musullman babandimi bakoleka liboso lya bakambi ya biyamba.

Eyamba ya ba orthodoxes nde epesi nkombo ya Paul Sapu oyo akoleka mpe liboso lya bakambi ba biyamba.

Mibeko ya bakambi mizali ete bapona na boyokani kasi soki bayokani te basengeli kokende na maponami.

Nzonkande, balandi ba Lamuka ya ngambo ya Martin Fayulu mpe Adolphe Muzito batondi libanda lya Centre interdiocésain epayi bakambi ba biyamba bazali na likita mpe bazali kokanga mpe koyemba ete CENI ezala ya bonsomi.

Baboyi mobeko ya botambwisi CENI Assemblée nationale ekelaki mikolo mileki.

Lelo nde mokolo bakambi ba biyamba basengeli kopona mokambi ya CENi, kolanda linaka Assemblée nationale esalaki.

XS
SM
MD
LG