Liens d'accessibilité

Dernières nouvelles

Ministère ya Intérieur ebwakisi Kabund lokola président a.i. ya UDPS


Président ai ya UDPS, Jean-Marc Kabund (C) na secretéraie général ya UDPS na likindo ya lisanga ya politiki liye na Centre NGanda, na Kinshasa, le 31 janvier 2020. (Facebook/Michel Ilunga Katomba)

Ministère ya Intérieur ebwakisi mbongwana emamaki Jean-Marc Kabund na ebonga ya mokambi ya UDPS na esika ya président Félix Tshisekedi.

"Ministère oyo ezali na mambi ya kati ya mboka na misala myango ebwakisi mbongwana inso ekokani te na ba dispositions ya mobeko," ekomi na eyano secrétaire général ya Intérieur apesi na kalaka moknzi ya UDPS (Union pour la démocratie et le progrès social), lingomba ya mokonzi ya mboka, Augustin Kabuya.

Secrétaire général ya ministère ya Intérieur alobi UDPS elandi mibeko te mpe asengi yango kolanda maye masakolama na journal officiel.

Eyano ya secrétaire général ya Intérieur epesami na mokanda kalaka mokonzi ya UDPS akomelaki ministère na ye mpo na koboya lolenge bosenga ya baye bazali koluka botiyami ya directoire ya UDPS bondimami.

Secrétaire général ya Intérieur alobi ayebi te mpe akamwe komona nkombo ya M. Kabund na ebonga ya président a.i. na kolanda mokonda M. Kabuya abakisi na oyo atindeli mpo na kolimbola likambo ya mandat spécial président Tshisekedi atiaki manzaka. M. Kabund atiamaki na ebonga ya kokamba UDPS na mandat ya M. Tshisekedi oyo akoki lisusu te kokamba UDPS mpo akoma mokonzi ya mboka.

"Mbongwana nyonso na bokambami to botambwisi parti to bobongolami bonso ya satuts esengeli, na mikolo milandi, koyebisama na ministère ya Intérieur," elobi eyano ya secrétaire général ya Intétieur. UDPS esalaki yango te.

Jacquemain Shabani, mokambi ya commission életorale ya UDPS, oyo M. Kabund alongalaki mikolo mileki, asengi ete M. Kabuya ayeba kolanda ekateli ministère ya Intérieur ezwi.

Mpo na M. Shabani, ba statuts mpe mibeko ya lingomba na bango UDPS ezali kotosama te. Esengami na parti to lingomba nyonso koyebisa ministère na mikolo tuku misato, mbongwana nyonso esalami kati na yango (parti to linsanga), elobi M. Shabani.

Mikolo mibale mileki, M. Kabund akweyisamaki na ebonga ya 1er vice-président ya Assemblée nationale nsima na pétition ya député Jean-Jacques Mamba.

XS
SM
MD
LG