Makofi mabetamaki na likita lya Assemblée nationale, mwa ngonga yambo na makoponami.
Bayi UDPS babimisaki mobulu mpo na kopekisa Assemblée nationale etala likambo lya nkasa ya kosenga bolongwi ya Jean-Kabund, eye ebandisamaki na député Jean-Jacques Mamba, oyo akangamaki nsima na kofundama na moninga na ye ya mosala Nsima Mpiana ya UNC (Union pour la nationa congolaise) oyo awangani ete atiaki manzaka na mokanda mwango.
Ba député 315 nde bazalaki na maponami. 289 baponi mpo ete M. Kabund alonwa. 17 baboyi mpe libw bazalaki na katikati.
Yajmbo na yango ba députés babonaki mpo ete misala mya bosembo mibisika M. Mamba na bokangami mpe mitika kolandela ye,
Ba députés na motango koleka balobi ete misala mya bosembo mibukaki buku likonzi na kokanga M. Mamba oyo azali ba immunités mpo akangami ntango likambo afundami na yango litali mosala mwa ya béputé.
Mikolo mileki UDPS ekebisa ete bokweyisami ya M. Kabund bokosukisa boyokani bwa bokambi mboka ya lingomba CACH (Cap pour le changement) ya président Félix Tshisekedi na FCC (Front commun pour le Congo) ya mokonzi ya kala Josepha Kabila.
CACH ezali na bakeli mibeko moke mpenza kasi FCC nde eleki na ebele koleka.
