Liens d'accessibilité

Dernières nouvelles
RDC

Bilenge ya Kabila balobi bazali bomoko na bato ya Beni


Bilenge ya Kabila bazali batamboli na Kinshasa, RDC, 22 décembre 2019. (Twitter/Jeunesse Kabiliste)

Bilenge baye bazali nsima na mokonzi ya kala Joseph Kabila balobi ete bazali na bomoko na bato bazali kozwa likama ya bobomami ya ba ADF na Beni, na Nord-Kivu.

"Jeunesse kabiliste etelemi mpo koboya bobomami na Beni," ekomi lisanga na nkombo ya Jeunesse kabiliste na compte Twitter na yango.

Bituluku kati na bango batambolaki o’mokolo ya le 22 décembre na banzela ya Kinshasa.

"Bilenge ya Kabila balingaki komonisa bomoko na bango na bato bavandi na Beni, baye bazali kokufa na bitumba ya mabe mangomba ya basimba minduki, banguna ya ekolo, bazali kosala," elobi vice-ministre ya Ressources hydrauliques mpe lotiliki na Actu-30.info.

"Bilenge balandaka Kabila bapesi matondi na 'excellence' mpo na 'leadership' (bokambi) mpe 'coaching' (botambwisi) na kopesa nzela na botamboli ya bokolongo ya le 22 décembre 2019. Esalamaki malamu," ekomi Jeunesse kabiliste mercredi le 25 décembre 2019 na Twitter.

Batambolaki wuta Rond-Moulart na commune ya Bandalungwa kino Pullman Hôtel na Gombe.

Bayi mbulmatari baye bazali na lingomba ya bilenge ya Kabila mpe batambolaki.

Balobi ete M. Kabila alaki kotinda lipinga ya lingomba na bango na Beni mpo na komemela lisalisi mpe kokabola mpasi na baye ye esika eye.

Uto suka ya novembre bato pene na 220 bamomami na machettes, mbeli mpe bibundeli misusu, na maboko ya baye bafundami kozala ba ADF na Beni, elobi archevé ya Beni-Butembo.

Nzonkande Martin Fayulu na Adoplhe Muzito ya lingomba Lamuka (opposition) bazali na Beni wuto mardi.

XS
SM
MD
LG