Liens d'accessibilité

Dernières nouvelles
RDC

Mbulamatari ezwi mikano mpo na ba transports likolo ya COVID-19


Bato na taxi-bus moko na Kinshasa, RDC, 20 décembre 2018.

"Banda lelo (vendredi 20 mars 2020), bus Transco ekoki komema koleka bato 20 te, (bus) ‘Esprit de Vie’ bato 16, mini-bus bato 10, taxis bato misato, tricycle bato mibale mpe tukutuku moto moko," elobi liyebisi ya mbulamatari ya RDC.

Ministre ya yambo, Ilunga Ilunkamba akambaki bokutani na lipinga ya ba transporteurs na Primature.

"Tosengi na bakumbi bus mpe mituka misusu, kotia mayi ya alchool mpe mouchoirs ya papier mpo ete, yambo moto nyonso amata na bus, ayeba kosula maboko," elimboli na Top Congo ministre ya bokolongono, Dr. Eteni Longondo.

Mokambi ya cellule ya bitumba na coronavirus (COVID-19), Dr. Jean Jacques Muyembe, mokambi ya engumba Kinshasa, Gentiny Ngobila, mokambi ya police mpe ya ba compagnies ya transtports bazalaki na bokutani bwango.

Nzokande, na Kinshasa mpe bingumba misusu bakumbi mituka mpe moto balekisa mingi mingi motango ya bato. Yango ekokati kozala likama ntango COVID-19 ezali kongala.

Président Félix Tshisekedi apekisaki bato kozala koleka 20 bisika moko.

M. Ngobila alaki kobimisa mobeko moko mpo na yango mpe Police nationale ezwi mokumba ya kolandela botiami na yango na misala.

XS
SM
MD
LG