Liens d'accessibilité

Dernières nouvelles
RDC

Tshisekedi asololi na PM ya Japon, na bakambi ya Toyota na Mitsubishi mpo na Inga


Président Félix Tshisekedi na Premier ministre ya Japon Shinzo Abé na Yokohama, Tokyo, Japon, 30 août 2019. (Facebook/Présidence RDC)

Président Félix Tshisekedi alobi, na lisikulu na ye na bokutani ya sambo ya molongo mpo na ntombwa ya Afrika (TICAD), na Japon, ete boyokani kati bikolo ya molongo boko pesa nzela na kimya mpe bokengi mpe boko mema eyano na makambo ebele na Afrika.

F. Tshisekedi apesaki mpe longonya na Dr, Jean-Jacques Muyembe oyo akozwa mbano ya Ideo Negushi.

Na masolo ya pembeni, na Yokahama na Tokyo, na Japon epayi wapi bokutani bwango bozalakii kosalama, Félix Tshisekedi akutani na Premier ministre ya Japon, Shinzo Abé.

Masolo na bango mazalaki mingi mpenza mpo na etali bokolisi boyokani kati na mboka mibale mpe bobongisami ya turbine G24 ya nduka ya Inga to barrage Inga ya mibale.

Bakonzi babale batalaki mpe ndenge nini kokotisa Congo démocratique na misala ya bosali Corridor Nord.

Batalaki mpe lisusu ndenge Japon ekopesa maboko na botelemisi misala ya mines to makele na nzela ya boyekoli mabele na Parc minier ya RDC.

Bobateli ya libanda ya bomoi to environnement mpe ya biodiversité mpe bozalaki na masolo mango.

Président Félix asoloki mpe na bakambi ya Mitsubishi na Toyota, ba campagnies minene ya Japon.

Nzokande yambo na yango asololaki mokolo moko moleki na ban aya Congo bavandi na Japon.

Voir les commentaires

XS
SM
MD
LG