Liens d'accessibilité

Dernières nouvelles
RDC

Bakambi ya Japon balaki Tshisekedi kozongela boyokani ya makasi


Président Félix Tshisekedi (2e na D) na Yokohama, Japon, 28 août 2019. (Twitter/Présidence RDC)

Président Félix Tshisekedi akutani na bakambi bayike ya Japon epayi wapi azali, elongo na molongani wa ye Dénise Nyakeru, na Conférence internationale ya développement ya Afrika (TICAD). Basololi mpo etali bozongeli boyokani ya makasi na Japon.

Premier ministre ya Japon Shinzo Abbe azali kokamba bokutani boye elongo na masolo masusu.

Mokmabi ya Japan Oil Gas Metal Cooperation, agence du financement ya gouvernement ya Japon (JOGMEC), Tetsuhiro Hosono, alobi nsima na masolo ya pembeni na M. Tshisekedi ete mboka na ye elingi ezongela boyokani ya makasi na RDC, mingi mpo etali ba mines to makele.

"Tokanisi ete tokoki kosunga na kosala, na ndakisa, cartographie minière na nzela ya centre na biso ezali na Botswana. Tokosala nionso mpo tozala na masolo ya malamu," elobi Tetsuhiro Hosono mokambi ya JOGMEC.

"Ntango oyo makanisi mabiso matali maye makoya nsima, tokanisi tozengela ba investissements mpe tokosala boyokani ya makasi boye bosalama naino te," ebakisi Tetsuhiro Hosono.

Bato 500 bazali na bokutani yango. Mingi, bakonzi ya mboka, ya misala mpe batieyi misolo na misala.

Kalaka mokonzi ya ONU, Antonio Guterres, asengi molongo komatisa boyokani na Afrika na bokasi ya komema kimya mpe ntombwa ekowumela. M. Guterres alobi ete Afrika ezali continent ya makasi ekopesa nzela na makambo ebele mpe mopepe ya elikya ezali kopepa awa na makasi.

Voir les commentaires

XS
SM
MD
LG