Liens d'accessibilité

Dernières nouvelles
RDC

CICR mpe Commission ya UA bapesi maboko na F. Tshisekedi na Japon


Président Félix Tshisekedi (D) na masolo na Peter Maurier, mokambi ya Comité international ya Croix rouge (CICR), na Yokohama, Japon, 29 août 2019. (Twitter/Peter Maurier)

Présidence Félix Tshisekedi akutani na mokambi ya misala ya molongo ya Croix rouge mpe na mokambi ya Commission ya Union africaine, na masolo ya pembeni ya TICAD (bokutani ya sambo ya molongo mpo na ntobwa ya Afrika na Yokohama, na Japon).

Peter Maurer mokambi ya CICR (Comité international ya Croix rouge) alobi nsima ya masolo na ye Félix Tshisekedi ete mosala na ye mokopesa maboko ya Congo démocratique mpo na kobunisa bokono ya Ebola.

"Tosololi mpo na bosenga na bato baye bakima bitumba mpe mpo oyo etali bakengemi. Tolibeli mpe lolenge basali (volontaires) ya Croix rouge ya RDC bamipesa na bitumba na bokomo bobe ya Ebola," ekomi Peter Maurer, na compte Twitter na ye.

Ebola ebomi koleka bato 1.990 na na koleka mobu moko na monyele ya mboka Congo démocratique.

Nzokande mokambi ya Commission ya Union africaine, Moussa Faki Mahamat ye mpe asololaki na Félix Tshisekedi.

"Nazwi libaku ya kokutana na président Félix Tshsiekedi mpo kopesa ye longonya nsima na botiyami ya mbulamatari mpe mpo na kolaka ye ete Commission ya Union africaine ekozala wana mpo na kosala elongo na ye," akomi na compte Twitter na ye.

Félix Tshisekedi azali na Tokyo na Japon banda mikolo misatu.

Voir les commentaires

XS
SM
MD
LG