"Likita lya bato na bwanya ya Ensemble pour la république ezali kosakola bokomi bwa mokonzi Moïse Katumbi Chapwe na Kinshasa vendredi ekoya, 6 novembre. Lisengi na bana ya Kinshasa komibongisa mpe kokende koyamba ye ebele na libanda lya mpepo ya N’Djili," ekomi bato ba bwanya motoba ya Ensemble baye batie manzaka na liyebisi.
Molobeli ya M. Katumbi, Francis Kalombo, alobi ete bokutani na Félix Tshisekedi bokozala o'mokolo mwa mposo.
Bayi Ensemble bayebisi ete M. Katumbi ayambi nkasa ya bobengisami mpo na boyoki bato président Félix Tshisekedi abandi kosala lundi na Kinshasa.
"Andimi koyanola malamu na mbyangana ya tata mokonzi na ntina ya komema ya ye likabo na boluki biyano bya boyokani na makambo makasi matelemeli bana ya mboka mikolo miye, mpo na lobi lolamu," ebakisi bayi Ensemble.
Mpo na bango esengeli kotia yambo mpasi bana mboka bazali komona. Mingi mpenza bozangi bokengi na monyele mwa mboka.
