Liens d'accessibilité

Dernières nouvelles

Tshiskedi akobanda masolo mposo mokoya mpo na configuration ya sika ya misala mya politiki


Président Félix Tshisekedi na ndako na ye ya mosala, Kinshasa, 23 octobre 2020. (Twitter/Présidence RDC)

Président Félix Tshisekedi alobi ete akobanda masolo mposo mokoya na ntina ya kotala ndenge nini kosangisa bato na ntina ya kosala mbongwana na bokambi mboka na ndenge ya sika. Masolo mango makosalama na bayi bolitiki mpe bato basusu ba misala mya mboka.

Mokonzi ya RDC azwaki maloba na liikulu na télévision nationale.

Alobi akosala sangisa bato "union sacrée" (liboke ya boyokani) mpo kotala ndenge kobongola makambo.

Président Tshisekedi abandaki lisikulu na ye na kolaba ete lingomba lya boyokani bosalamaki nsima na maponami kati na CACH (lisanga lya Félix Tshisekedi) na FCC (ya mokonzi ya kala Félix Tshisekedi) epesi nzela te na mboka mpo na kokende liboso wuto maponami masalamaki mibu mibale mileki.

"Boyokani mokot te, ata ya ndenge nini, bokoki kozala likolo etinda Buku likonzi epesi nga, to maye na sengeli kosala," elobi président Tshisekedi.

Président Tshisekedi akundoli ete sika Cour constitutionnelle ekokisi motango ya bazuzi mpe ekoki kosala mpo ete etinda ya Etat de droit (mboka ya mibeko) eyeba kokisama.

Président Tshisekedi alobi lobiko lya bana mboka nde losengeli kozali liboso.

Matata mazali kati na CACH na FCC. Président Tshisekedi alobi ezali na makambo mingi lokola bokambi mboka, mboka ya mibeko, botambwisi ya misala...

Alobi mboka ekoti te kokangama kaka mpo lingomba lya bato bake baye balingi kaka kokoba koyiba to mpe koluka kotikala ma bokonzi.

M. Tshisekedi alaki kozongela bana mboka na mposo moko koyebisa bango nini akosala nsima na masolo maye.

"Tozali kolikya komona politiki ya RDC etambola na Kimya mpe ekamata masenga ya bana Congo na motuya mpenza. Mokili mobimba ezali kotala RDC.: ekomi na Twitter secrétaire adjoint ya Amerika mpo na Afrika, Tibor Nagy, nsima na lisikulu ya M. Tshisekedi.

XS
SM
MD
LG