Liens d'accessibilité

Dernières nouvelles
RDC

Fayulu, Bemba, Katumbi na Muzito basengi mbulamatari kokitisa lifuta na yango mpo na COVID-19


Adoplhe Muzito, Martin Fayulu, Jean-Pierre Bemba mpe Moïse Katumbi na bokutani, na photo eiytami na Twitter ya Lamuka, 27 mars 2020. (TwitterCoalition Lamuka)

Martin Fayulu, Jean-Pierre Bemba, Moïse Katumbi na Adolphe Muzito bakambi ya lingomba Lamuka basengi ete mbulamatari ekanga mokaba mpe esalela na pole nyonso minso misengeli kotiyama na bitumba na coronavirus ya sika COVID-19.

"Tozo'senga bokitisami ya makasi ya lolenge ya kobika ya l’Etat mpe bosaleli na pole ya makoki misusu masengeli kotiyama na lombango na bitumba na COVDI19, na mikano makotambola elongo mpo na bato bazala na mapasi te, mpe mpo na kopesa makasi na nkita, mingi na ba PME mpe misala ya komemela bilei na ba grands centres urbains," ekomi bakambi baye ya Lamuka na liyebisi batiye manzaka.

MM. Fayulu, Katumbi, Bemba mpe Muzito basengi mpe lisusu ete mbulamatari esomba na lombango ba appareils respiratoires mingi mpo na ekoka na bosenga ya bakoni.

Basengi mpe na SNEL (Société nationale ya lotiliki) mpe REGIDESO (oyo ya mayi) kopesa lotiliki mpe mayi ngonga inso na lipitalo mpe bisika binso baye bazwi bokono bakotiyama.

Basepeli na mikano mya ONU ya kopesa misoslo 1.000 milliards $ na bikolo ya nkita moko, mpe ya kolongola nyonso inso ya bikolo biye.

Bapesi maboko na misala ya Dr Jean-Jacques Muyembe, mokambi ya bitumba na COVID-19.

Mpe basengi makoki lokola bilamba, gands mpe masques mayeba na kopesama na minganga mpe ba infirmiers.

Bazongeli bongo maloba M. Fayulu alobaka mikolo milekei.

XS
SM
MD
LG