Bato zomi na moko ya sika bazwami na yango, Sambo bazwi yango Kinshasa mpe minei ewuti libanda na mboka, kolanda INRB.
Bato mwambe nde bakufi, misato babiki.
Nzokande bakonzi ya mboka bayebisi kotala ndenge nini kobakisa mikano misusu mpo kopekisa bopanzani ya bokono boye.
Mmokambi ya cellule technique ya bitumba na COVID-19, Dr. Jean-Jacques Muyembe alobi na TOP Congo FM ete emonisa ete litomba ezali ete bato bavanda na ndako.
Mpo na ye esengeli kobanda yango na Gombe epayi wapi katikati ya motango ya bato banso bazwami na yango na RDC bazali na commune eye.
