Liens d'accessibilité

Dernières nouvelles

Ebola emonani lisusu na est ya RDC


Mwana moko apesami mangwele ya Ebola na Goma, Nord-Kivu, 7 aout 2019.

Mwana moko ya mibu misato akufi na Ebola na Beni, elobi ministre ya bokolongo Dr. Jean-Jacques Mbungani.

RDC emonani lisusu na moto moko na bokono ya Ebola na monyele, esakoli le 8 octobre 2021 ministre ya Bokolongo bwa nzoto, Dr. Jean-Jacques Mbungani.

Kolanda liyebisi, mokoni ya Ebola oyo asili mpe kokufa yango azwami na zone ya santé ya Beni, na territoire ya Beni, na Nord-Kivu epayi Ebola engalaki mibu mibale yambo na kosila na mobu 2020.

"Ezali mwana moko ya mibu misato ya mobali oyo atiamaki na lopitalo mpe akufaki le 6 octobre na esika ya lisalisi ya mboka eye na komonisaka bilembo bya makila kobima, kolanda ba éechantillons ezwaki mokolo molandaki na limpinga ya bobateli bavandi ya mboka," ekomi Dr. Mbungani na liyebisi.

"Echantillion etindamaki na Goma mpo na kotalisa emonisi virus ya Ebola," ebakisi Dr. Mbungani.

Baye ya bokolongono na etuka bazali koluka baye pene na bato 100 baye bazalaki na mwana yango mpe koluka koboma microbes.

Ekomi mbala ya 12, RDC ezwi Ebola.

Mbala eleki basali ba OMS (misala ya molongo mpo na bokolongo) bafundamaki na kozwa basi na makai na kolakaka bango mosala.

Voir les commentaires

XS
SM
MD
LG