Liens d'accessibilité

Dernières nouvelles

Couvre-feu ebakisami mikolo na Brazzaville na Pointe-Noire


Président Denis Sassou N'Guesso na ndako ya mosala na ye na Brazzaville, 23 juillet 2020. (Twitter/Thierry Moungalla)

Etat d'urgence sanitaire ekobakisama mikolo 20, couvre-feu ebakisami mikolo, nsima na likita likambamaki na président Sassou N'Guesso na visioconférence.

Mikano ya kobatela bato mizongisami na makasi nsima na likita lya bakambi ya bitumba na COVID19 liye litalisi ete bokono boye bokomi makasi na Congo-Brazzaville.

Sassou N’Guesso nde akambaki likita lyango na visioconférence na bakambi ba bitumba na bokono bwa coronavirus ya sika.

"Etat d’urgence sanitaire ekobakisama mikolo 20 mbanda le 30 juillet 2020," elakisi mikano mizwamaki na likita lyango.

Couvre-feu wuto 22 heures kino 5 heures mpe ebakisami mikolo na Brazzaville mpe Pointe-Noire.

Motango ya COVID19 emati makasi na mposo miso na Congo-Brazzaville.

Bato 3.038 nde bayebani kozwama na yango wuto le 14 mars. 756 babikisami mpe 51 bakufi.

Bakonzi bamoni ete bato balembisi kolanda malako mpe basengi bango kozongela kotosa yango.

Epekisami na bato koleka 50 kosanga esika moko.

Biteyelo mpe misala misusu ekofungolama sika te.

XS
SM
MD
LG