Liens d'accessibilité

Dernières nouvelles

Cardinal Monsengwo awei na France, elobi cardinal Ambongo


Cardinal Laurent Monsengw nsima na bokelami bwa bo' cardinal na papa Benoit XVI na basilique St. Pierre, na Vatican, 20 novembre 2010.

Cardinal Laurent Monsengwo awei na mibu 81 na Versailles (France) epayi akendaki mpo na lisalisi, esakoli cardinal Fridolin Ambongo, mokitani ya cardinal Monsegwo bo’ episkopo la lokumu ya Kinshasa.

:Nazali na mawa makasi ya kosakola na lisanga lya ba kristu katoliko mpe na bato banso ya motema malamu liwa lya cardinal Laurent Monsengwo o'mokolo mwa eyenga le 11 juillet 2021 na France (Versailles)", elobi cardinal Ambongo na compte Twitter na ye.

Carindal asengi na ba krsitu katiliko kokoba kosambela.

Sango yango endimami mpe na bayi libota.

"Soda ya mpiko ya Kristu, pema na boboto." Ekomi na Twitter molobeli ya lisanga lya banganga Nzambe ya Kinshasa, Abbé Jean-Marie Konde.

"Na kozelaka mabongisi ya chancellerie ya Kinshasa, tozali kobondela mpo na molimo ya Episkopo ya lokumu ya kala ya Kinshasa," ebapkisi abbé Konde.

Cardinal Monsengwo amemamaki le 6 juillet eleki na Paris, na France, mpo na lisalisi.

Azalaki nse ya coma.

Cardinal Monsegwo azalaki na mpifo makasi likolo na politiki ya ekolo ya RDC.

Akambaka Conférence national souveraine ya RDC mpe akomaki mokambi ya Parlement ebimaki nsima na yango.

Azalaka kala mokambi ya CENCO (Lisanga lya ba a episkopo ya katoliko) mpe azalaki kopamela mbulamatari mpe bakozin na maye mazalai kotambokla te wuto président Mobutu Sese Seko, molandi wa ye Laurent-Désiré Kabila, mokitani na ye Joseph Kabila mpe ata na mokonzi ya sika Fٞlix Tshisekedi.

Azalaka mpe episkopo ya lokumu ya Kisangani na Tshopo. Azali docteur ya yambo ya exegète to mayele ya komanyola makomi na RDC.

Akelamaka bo cardinal na Papa Benoit XVI le 20 novembre 2021.

XS
SM
MD
LG