Liens d'accessibilité

Dernières nouvelles

Bolukiluki bofungwami nsima na bobomi bwa Chinois moko na cimenterie ya Lualaba


Ivanhoe Mines, Zijin Mining Group mpe mbulamatari ya RDC bazwaka makele (mines) na esika eye ya Kamoa Kakula, na Kamoa, 25 kms ya Kolwezi, Lualaba, 26 avril 2018.

Bakambi ba etuka ya Lualaba bafungoli bolukiluki nsima na basima minduki bayebani te kokota na cimenterie mozali kotongama na Lualaba mpe kokoba moyi ekolo Chine moko.

Moyi Chine moko azwaki masasi ya bato mabe baye mpe akufaki, elobi ministre provincial ya Makele (Mines) ya Lualaba, Jean-Marie Chizainga.

Bato mabe yango bazwaki mpe na makasi mwasi ya Chinois mpe na congolaise moko bazalaki na esika yango, ebakisi ministre Chizainga.

Lualaba Carrilu, usine ya kosala ciment gris na chaux ezwami na 80 kms ya Kolwezi, engumba mokonzi ya Lualaba.

Ezali société ya ba Chinois, ezali nanu kotongama mpe ekambamaka na Zijin Mining Group Co. Ekobanda kosala nsima na sanza mibale.

Bato mabe basalaka mbeba na Lualaba wuto mwa mikolo. Bavandi basalaka milulu mingi mpo na kopamela yango.

XS
SM
MD
LG