Liens d'accessibilité

Dernières nouvelles

Bapaya ba mombongo mpe tourisme ya bikolo 15 esengeli basimbisa $15.000 yambo na koya na Amerika


President Donald Trump na Washington, 21 novembre 2020.

Bapaya bakowuta mboka ya Afrika zomi na mitano bakosengela kosimbisa misolo nkoto zomi na ndambo yambo na kosala mobembo na Etats-Unis, yango mokano mosakolami na mbulamatari ya Amerika.

"RDC ekotisamaki na linaka liye lya kosimibisa misolo mpo na motango ya likolo ya bana ya Congo baye batosaka te ndelo ya bovandi na bango bopesama na visa," elimboli ambassade ya USA na Kinshasa.

RDC ezali kati na bikolo zomi na mitano bazali nan se ya mokano yango.

Mboka esusu ezali Angola, Burkina Faso, Tchad, Djibouti, Érythrée, Gambie, Guinée-Bissau, Liberia, Libye, Mauritanie, Soudan, Sao Tomé-et-Principe mpe Cap-Vert mpe Burundi.

"Nakosalelaka visa na ndenge esengeli mpe na kolandaka mikano, bana ba Congo bakoki kobongisa bolamu bozalaka na mibembo na Etats-Unis mpo na bana mboka banso ya RDC," epesi toli ambassade ya USA na Kinshasa.

Département elimboli ete ezali mokona ya mwa ntango mobengami "visa bond" moye mokosala mingi nde mpo na basali mibembo ya mombongo to ya kotala mboka kasi etali te bayekoli mpe baye bakosala mobembo ya etinda.

Etali mpe te baye bazali na visa esusu kati na bango baye bandimami na koya kovanda na Amerika.

XS
SM
MD
LG