Liens d'accessibilité

Dernières nouvelles

Etats Unis

Etats-Unis ebotoli visa ya procureure générale ya CPI

Procureure ya Cour pénale internationale (CPI) Fatou Bensouda na La Haye, 8 avril 2018. (Twitter/CPI)

Bureau ya Fatou Bensouda, procureure générale ya CPI (Cour penale internationale), eyebisi ete bakonzi ya Amerika babotoli visa ya mboka na bango na zuzi mokonzi liye.

Bobotoli ya visa loye likoki kozala mpo na bolukiluki likolo ya mabe maye basoda ya Amerika bafundameli na Afghanistan, ekanisi baye nzinganzinga ya Mme Bensouda.

Tokundale ete Washington ezali te moko ya bikolo ya CPI, Tribunal ya molongo oyo etalaka mbeba masala o'ntango ya bitumba to bobomi ya bato ebele.

Kasi bureau na ya procureure générale ya CPI elobi ete mama Bensouda akokoba kosa misala na ye na banga moto te.

See all News Updates of the Day

Divine Diamonika abimi Miss ya Congo démocratique na USA

Divine Diamonika abimi Miss ya Congo démocratique na USA
Attendez s'il vous plaît

No media source currently available

0:00 0:01:15 0:00

Sango ya le 19 juillet na 16h TU na VOA Lingala

Sango ya le 19 juillet na 16h TU na VOA Lingala
Attendez s'il vous plaît

No media source currently available

0:00 0:05:00 0:00

Washington elobi ebebisi drone ya Iran kasi Téhٞéran ewangani

USS Boxer (LHD-4) na mbu ya Arabia, 16 juillet 2019.

USA esakoli ete ezali na bilembo bilakisi ete ebebisi drone ya Iran eye epusanaki pene na masuwa ya nitumba na yango kasi Téhéran eboyi yango.

Président ya Ameriki, Donald Trump asakoli jeudi ete masuwa ya bitumba ya ekolo na ye, USS Boxer, mobebisaki drone (mpepo motambolaka na bozangi pilote) ya Iran eye epusaki mingi pene na yango.

"Tozali na bilembo, drone na bango epusanaki mingi pene na masuwa na biso. Soki ba drones epusani mingi, tokoboma yango," elobi moto na bakonzi ya Amerika oyo aboyi kopesa nkombo na ye na AFP.

Pentangone to ministère ya Défense ya Ameriki endimaki naino te kino vendredi na nsima na nzanga ete bilili biye bilakisa bobebisi ya drone eye bizali.

Molobeli ya mampinga ya Iran, général ya brigade Abdolfazi Shékarchi ayanoli ete ezali likambo ya bolema mpe lizangi loboko.

Trump apesi mitindo babengana baye bakota USA na moyibi

Mokonzi ya USA Donald Trump na masolo na bapanzi sango na Maison Blanche, Washington, 12 juillet 2019

President Donald Trump andimi vendredi ete basali ya immigration (misala mitali bapaya) mpe ya mpako bakobanda lokuka mpe kokanga na USA na nsuka ya mposo eye, nkoto na bapaya bakota na mboka na ye na bozangi mikanda mpo na kozongisa bango na bikolo na bango.

"Bakota na moyibi," eyebisika M. Trump na bapanzi sango. "Bakokanga bato mpe bakozongisa bango na mboka na bango," abetaki mokoloto.

ICE to misala ya bokoti na bapaya mpe ya mpako mikolandela mingi mpenza baye bakitisama na likambo na misala ya bosembo, bakisa mpe baye bazali lingomba ya basali mobulu (gangs), na basusu.

"Ekobanda o’mokolo ya eyenga mpe bakobanda kokanga mpe bakobanda kozongisa bango na mboka na bango, " eyanoli M. Trump na motuna na Maison Blanche (ndako ya mokonzi ya mboka USA).

"To mpe bakobanda kozongisa bato mabe, kotiya bango na boloko, to kotiya bango na boloko na mboka bawutaki".

M. Trump abakisaki ete bokangami boye bokotala mpe baye bakotaki na USA na kolanda mibeko te, na nzela ya moyibi.

Kasi baye lingomba ya ba Democrats ekebisi misala ya M. Trumo o’mokolo mwa minei moleki mpo etali mabota maye mawumela na USA ata makota na nzela ya moyibi.

Litatoli ya moko na ba Congolais bakoti USA kowuta Mexique (Vidéo)

Litatoli ya moko na ba Congolais bakoti USA kowuta Mexique (Vidéo)
Attendez s'il vous plaît

No media source currently available

0:00 0:05:28 0:00

Voir plus

XS
SM
MD
LG